Қидириш   

» Мақолалар Декабр 2014 йилда

27 декабрь 2014,   кўрилган: 850

2015 йил 2 январь кунини дам олиш куни деб эълон қилиндиЎзбекистон Президенти Ислом Каримов 2015 йилнинг 2 январь кунини дам олиш куни деб эълон қилиш тўғрисидаги қарорни имзолади. 26 декабрь, жума куни имзолаган қарор матни ЎзАда эълон қилинди.
Қайд этилишича, қарор “Янги йил байрами муносабати билан аҳолининг дам олиши учун қулай шарт-шароитлар яратиш” мақсадида қабул қилинган.
Қарорда белгиланишича, Меҳнат кодексининг 132-моддасига асосан техник ишлаб чиқариш ва бошқа шароитларга кўра ишни тўхтатиб туриш мумкин бўлмаган жойларда, шунингдек, аҳолига хизмат кўрсатиш зарурати бўлган ҳолатларда ишлашга йўл қўйилади.
Шунингдек, Президент қарорида алоҳ қайд этилишича, бажарилган ишлар учун компенсация ва ҳақ тўлаш Меҳнат кодексининг 157-моддасига мувофиқ амалга оширилади.
Бўлими : Янгиликлар   |   info  |   :
26 декабрь 2014,   кўрилган: 867

ЖИСМОНИЙ ВА ЮРИДИК ШАХСЛАРНИНГ МУРОЖААТЛАРИ ТЎҒРИСИДА
WORD-shaklida-yuklash.docx [27.69 Kb] (юклаб олинган: 55)
26 декабрь 2014,   кўрилган: 728

Йил охиригача Ўзбекистонда 137та тиббиёт муассасаси қурилиш-таъмирлашдан чиқадиЎзбекистонда 2014 йилда 137та тиббиёт муассасасини фойдаланишга топшириш режалаштирилган эди. kun.uzнинг хабар беришича, йил давомида бешта янги тиббиёт муассасаси қурилиши, 128та таъмирланиши ва тўрттаси тўлиқ таъмирланиши керак эди.
Ўзбекистон Соғлиқни сақлаш вазирлиги Муассасалари моддий-техник базасини ривожлантириш бош бошқармаси бошлиғи Баҳодир Эргашевнинг сўзларига кўра, 1 декабрь ҳолатига кўра 121та объектда режалаштирилган ишлар якунига етган, қолган 16 объект эса йил охиригача топширилади.
2014 йил давомида 62та туман тиббиёт бирлашмалари, 52та вилоят ва шаҳар тиббиёт муассасалари, еттита кўп тармоқли болалар тиббиёт марказлари, олтита оилавий поликлиника ва республика аҳамиятига молик ўнлаб объектларнинг моддий-техник базаси мустаҳкамланган.
Хусусан, Андижон, Бухоро, Қашқадарё, Самарқанд ва Тошкент вилоятидаги болалар тиббиёт марказлари, Тошкент педиатрия-тиббиёт институти клиникаси хирургия бўлими, Республика педиатрия илмий-амалий ихтисослашган тиббий марказининг даволаш корпуси ва бошқалар тўлиқ таъмирдан чиқарилган.
Бўлими : Янгиликлар   |   info  |   :
22 декабрь 2014,   кўрилган: 828

Қон босими нега пасаяди ?Қовоқларингиз оғирлашиб, кўзларингиз юмилиб кетяптими? На аччиқ чой ва на қаҳва ёрдам бермаяптими? Ўйлаб кўринг, балки гипотоникдирсиз? Тиббиётда қон босимининг катта ёшлиларда 90/60, болаларда эса 70/40 мм симоб устунидан пасайиб кетиши гипотония (артериал гипотензия) деб аталади. Тўғри, бу касаллик натижасида гипертонияда бўлгани каби инфаркт ёки инсульт келиб чиқмайди, лекин бемор ҳолсиз бўлиб қолади, иш қобилияти пасаяди.
Бу қандай касаллик?
– Гипотонияга чалинган одам тез чарчайди, боши оғри бўлиб, юраги атрофида нохуш сезгилар пайдо бўлади, боши айланади, – дейди тиббиёт фанлари доктори, профессор Тоҳир Ибрагимов. – Айниқса, бирдан ўрнидан турганида, бошини бурганида боши айланади. Бундай беморлар куннинг иссиғини, дим жойларда ўтиришни кўтара олмайдилар, айниқса, ҳаво босимининг ошишига жуда сезгир бўладилар. Хуллас, гипотоникларнинг ташқи муҳит ўзгаришларига мослашиши қийинроқ бўлади. Улар кун бўйи ўзларини турлича сезадилар: уйқудан тетик бўлиб турмайдилар, бироз юрганларидан сўнг бўшашиш ўтиб кетади, лекин куннинг иккинчи ярмида яна чарчаб, тинкалари қуриб қолиши мумкин. Мабодо фарзандингизнинг ҳадеб фикри тарқоқ бўлиб, бўшашаётганини кузатсангиз, уни танбалликда айблайвермай, шифокорга кўрсатинг.
Одам нега бунчалик тез чарчаб қолади?
Маълумки, соғлом кишида юрак-қон томир тизими бир меъёрда ишлайди. Гипотония касаллигида эса қон томирлар ҳаддан ташқари кенгайиб, тонуси пасайиб кетади, натижада юрак-қон томир тизими фаолияти бузилади; қоннинг кўп қисми томирларда қолиб, юракка кам етиб келади, оқибатда юрак чиқариб берадиган қон миқдори пасаяди, бош мия қон томирлари ҳам қон билан тўла таъминлана олмайди, яъни қон айланиши ёмонлашади. Гипотониклар қувватсизлик ва кўп терлашдан нолийдилар. Асабнинг қаттиқ бузилиши, вақтида дам олмаслик, сурункали равишда тўйиб ухламаслик, кам ҳаракатлилик қон босимининг пасайишига олиб келади. Шунингдек, ташқи салбий омиллар – ионли радиация, бензол, қўрғошин билан кўп алоқа қилувчилар ҳам қон босими пасайишига мойил бўлишади. Гипотония баъзи касалликлар (Аддисон, микседема, гипогликемия, ўткир ва сурункали гепатит) асорати сифатида, қон босимини туширадиган дориларни кўп ишлатиш оқибатида ҳам келиб чиқиши мумкин.
Уйқу – энг яхши дори
Гипотонияга чалинган киши, албатта, тиниқиб, 9-10 соат ухлагани маъқул. Уйқудан уйғониб, бирданига туриб кетмаслик керак. Маълумки, одам ухлаганида қон асосан жигар, ичаклар, талоқда тўпланган бўлади ва бош мия қон билан тўлиқ таъминланмайди. Бундай вазиятга гипотоник бирданига ўрнидан турса, боши айланиши, ҳатто, ҳушидан кетиб қолиши мумкин. Бунинг олдини олиш учун ётган ҳолатда енгил гимнастика машқларини бажариш (қўл бармоқлари, тизза ва тирсак бўғимларини букиш), кейин каравотда озгина ўтириб, эҳтиёткорлик билан туриш керак.
Гипотониклар уйқудан уйғонгач, қуйидаги машқларни ҳам бажаришлари мумкин: ётган ҳолда оёқларни кўтариб, худди велосипед ҳайдаётгандек айлантириш,; оёқлар билан «қайчи» ҳаракатини қилиш; қўл-оёқларни кўтариб силкитиш ва бўш қўйиб, бирданига пастга ташлаш.
Умуман, гипотонияда пиёда сайр қилиш, сузиш, оғир жисмоний зўриқиш талаб қилмайдиган спорт ўйинлари билан шуғулланиш фойдали.
Парҳез ҳақида
Гипотоникнинг таомларида минерал моддалар ва витаминлар, айниқса, В1, С, Р етарли бўлиши керак. Гречиха ва сули ёрмасидан тайёрланган бўтқалар фойдали. Сабзи, қизилча, бақлажон ва цитрус мевалар еб туриш керак, ёғли ва хамир овқатлардан эса тийилган маъқул. Қора тут жуда фойдали.
Бўлими : Шифокор маслаҳати   |   info  |   :
22 декабрь 2014,   кўрилган: 853

Ўзбекистонда парламент сайлови якунландиЎзбекистон Республикаси Олий Мажлиси Қонунчилик палатаси ва халқ депутатлари вилоят, туман ва шаҳар Кенгашларига депутатларни сайлаш бўйича барча сайлов участкаларида овоз бериш якунланди.

Бу ҳақда Ўзбекистон Республикаси Марказий сайлов комиссияси раиси М.Абдусаломов 2014 йилги сайловни ёритиш бўйича республика матбуот марказида Тошкент вақти билан соат 22.00 да мамлакатимиз ва чет эл оммавий ахборот воситалари вакиллари учун ўтказилган брифингда маълум қилди.

Дастлабки маълумотларга кўра, сайловда 18 миллиондан ортиқ сайловчи иштирок этди ва бу рўйхатга киритилган умумий сайловчиларнинг 88 фоиздан кўпини ташкил этди. Шундай қилиб, Ўзбекистон Республикасининг “Ўзбекистон Республикаси Олий Мажлисига сайлов тўғрисида”ги қонунининг 44-моддасига мувофиқ парламент Қонунчилик палатаси депутатлари сайлови ўтган, деб ҳисобланади.

Шунингдек, Ўзбекистон Экологик ҳаракатининг конференцияси ҳам якунланди. Унда Экоҳаракатнинг Марказий кенгаши Ижроия қўмитаси ва ҳудудий бўлинмалари вакиллари томонидан Қонунчилик палатасига 15 нафар депутат яширин овоз бериш йўли билан сайланди. Ҳозир овозларни санаб чиқиш ва сайлов натижаларини аниқлаш жараёни давом этмоқда.
ДАВОМИНИ УҚИНГ
Бўлими : Янгиликлар   |   info  |   :
20 декабрь 2014,   кўрилган: 793

Ҳаракат – Яшариш манбаиЖисмоний ҳаракат инсон танасидаги турли аъзо ва тизимларнинг ҳаётий фаоллигини меъёрлаштириб, бир йўлга солади. Миокард қисқарувчанлигини оширади, коронар қон айланишининг яхшиланиши капилляр қон томирларининг кенгайиши билан кечади, ўпка вентиляцияси ошади, кичик қон доирасида қон айланишини яхшилайди, кўкрак қафаси ҳаракатларини меъёрлаштиради, меъда-ичак ҳаракатини яхшилайди, мушак тизимини боғловчи аппарат, бўғимлардаги ҳаракатларни меъёрлаштириб, иш қобилиятини узоқ муддатга сақлайди. Гормонал фоннинг жисмоний ҳаракатларга таъсири жуда катта. Улар таъсирида ички секреция безларининг фаолияти ошиб, инсон танаси ёшаради.
ДАВОМИНИ УҚИНГ
Бўлими : Янгиликлар   |   info  |   :
13 декабрь 2014,   кўрилган: 785

Мамлакатимизни демократик янгилаш ва модернизация қилишга қаратилган тараққиёт йўлимизни қатъият билан давом эттириш – бош мақсадимиздирПрезидент Ислом Каримовнинг Ўзбекистон Республикаси Конституцияси қабул қилинганининг 22 йиллигига бағишланган тантанали маросимдаги маърузаси

Қадрли дўстлар!

Муҳтарам юртдошлар!

Шу кунларда Ватанимиз учун мустақил, эркин ҳаёт кечириш, уни тараққий топган демократик давлатлар қаторига кўтариш йўлининг асосий принцип ва қоидаларини муҳрлаб берган Ўзбекистон Республикаси Конституциясини қабул қилганимизнинг 22 йиллигини байрамона нишонламоқдамиз.

Тарихимизда чуқур из қолдирган ана шу буюк сана билан сиз, азизларни, сизларнинг тимсолингизда бутун халқимизни чин қалбимдан самимий табриклаш, барча-барчангизга чуқур ҳурмат-эҳтиромимни изҳор этиш мен учун катта бахтдир.

Конституциямизда белгилаб берилган асосий мақсадларимиз барчамизга яхши маълум. Яъни, Бош қомусимиз бозор иқтисодиётига асосланган мустақил демократик давлат қуриш, инсон манфаатлари, ҳуқуқ ва эркинликлари, қонун устуворлиги ва мамлакатимиз барча фуқаролари учун қонун олдида тенглик тамойили таъминланадиган фуқаролик жамиятини шакллантиришнинг мустаҳкам пойдеворини яратиб берди.
ДАВОМИНИ УҚИНГ
Бўлими : Янгиликлар   |   info  |   :
10 декабрь 2014,   кўрилган: 2344

2015 йил “Кексаларни эъзозлаш йили” деб эълон қилинди2015 йил Ўзбекистон Республикаси Президенти Ислом Каримовнинг ташаббуси билан “Кексаларни эъзозлаш йили” деб эълон қилинди. 5 декабрь, жума куни Тошкентдаги “Ўзбекистон” Халқаро анжуманлар саройида Ўзбекистон Конституциясининг 22 йиллигига бағишланган тантанали тадбир ўтказилди. Тадбирда Ўзбекистон Республикаси Президенти Ислом Каримов 2014 йил сарҳисоби тўғрисида нутқ сўзлаган.
Конституция кунига бағишланган маросимда, шунингдек, 2015 йилнинг номи эълон қилинди. Президент ташаббуси билан кейинги йил “Кексаларни эъзозлаш йили” деб эълон қилинди. 2014 йил эса “Соғлом бола йили” номи остида ўтган эди.
Ўзбекистонда 1997 йилдан бери ҳар бир йилга, жамият ҳаётининг алоҳида соҳаларида чуқурлаштирилган ўзгаришлар, ислоҳотларни амалга ошириш мақсадида, ном берилиб келинади. 1997 йил “Инсон манфаатлари йили“ деб эълон қилинган бўлса, ХХI асргача бўлган йиллар “Оила йили” (1998), “Аёллар йили” (1999), “Соғлом авлод йили” (2000) деб эълон қилинган. 2001 йил «Оналар ва болалар йили», 2002 йил «Қарияларни қадрлаш йили», 2003 йил «Обод маҳалла йили», 2004 йил «Меҳр-мурувват йили», 2005 йил «Сиҳат-саломатлик йили», 2006 йил «Ҳомийлар ва шифокорлар йили», 2007 йил «Ижтимоий ҳимоя йили», 2008 йил «Ёшлар йили», 2009 йил «Қишлоқ тараққиёти ва фаровонлиги йили», 2010 йил «Баркамол авлод йили», 2011 йил «Кичик бизнес ва хусусий тадбиркорлик йили», 2012 йил «Мустаҳкам оила йили», 2013 йил эса «Обод турмуш йили» деб эълон қилинган эди.

Манба: kun.uz
Бўлими : Янгиликлар   |   info  |   :
10 декабрь 2014,   кўрилган: 697

"Сайлов" Ҳалол рақобат масъулиятиЎзбекистон Республикаси Марказий сайлов комиссиясининг 2014 йил 11 сентябрдаги 614-сонли қарорига мувофиқ, жорий йилнинг 21 декабрь куни Ўзбекистон Республикаси Олий Мажлиси, халқ депутатлари вилоят, туман ва шаҳар Кенгашларига сайловлар ўтказилиши эълон қилинди.
Мазкур сайловларда номзодлар асосан, мамлакатимизда фаолият кўрсатаётган тўртта сиёсий партия томонидан кўрсатилади. Табиийки, бу жараёнда ҳар бир сиёсий партия бошқа партияларга нисбатан кўпроқ депутатлик ўринларига эга бўлиш учун жиддий кураш олиб боради. Айниқса, Президентимиз томонидан илгари сурилган “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси талабларидан келиб чиқиб, 2011 йилда Ўзбекистон Республикаси Конституциясининг 98-моддасига киритилган ўзгартиш ҳамда қўшимчалар, жумладан “Ўзбекистон Республикаси Бош вазири номзоди Ўзбекистон Республикаси Олий Мажлисининг Қонунчилик палатасига сайловда энг кўп депутатлик ўринларини олган сиёсий партия ёки тенг миқдордаги энг кўп депутатлик ўринларини қўлга киритган бир неча сиёсий партия томонидан таклиф этилади” деган норманинг киритилиши жорий йилдаги сайловларда сиёсий партиялар ўртасидаги рақобатни том маънода кучайтирди. Сайловолди кампаниясининг энг муҳим босқичи — бу сайловолди ташвиқоти ҳисобланади. Шу нуқтаи назардан, мазкур жараёнда сиёсий партиялар томонидан амалга ошириладиган сайловолди ташвиқотида қонун устуворлигини ҳамда ҳалол рақобатни таъминлаш зарурияти янада ортди. Таъкидлаш керакки, “Ўзбекистон Республикаси Олий Мажлисига сайлов тўғрисида”ги Қонуннинг 24-моддасига мувофиқ, сайловолди ташвиқоти депутатликка номзодлар Марказий сайлов комиссияси томонидан рўйхатга олинган кундан эътиборан бошланади. 2012 йил 19 декабрда қабул қилинган “Ўзбекистон Республикаси Олий Мажлисига сайлов тўғрисида”ги ҳамда “Халқ депутатлари вилоят, туман ва шаҳар Кенгашларига сайлов тўғрисида”ги Ўзбекистон Республикаси қонунларига ўзгартириш ва қўшимчалар киритиш ҳақида”ги Ўзбекистон Республикасининг Қонуни сайлов кампаниясида муҳим дастуриламал бўлиб хизмат қилмоқда.
Айнан ушбу қонуннинг 27-моддаси янги таҳририда сайловолди ташвиқоти тушунчасига аниқ таъриф берилган бўлиб, “Сайловолди ташвиқоти — сайлов кампанияси даврида амалга ошириладиган ва сайловчиларни депутатликка номзодни ёки сиёсий партияни ёқлаб овоз беришга ундашга қаратилган фаолиятдир”.
ДАВОМИНИ УҚИНГ
Бўлими : Янгиликлар   |   info  |   :
05 декабрь 2014,   кўрилган: 1943

Инсон саломатлигига кўпроқ зарар етказувчи спиртли ичимликлар.Medikforum.ru илмий ходимлари инсон саломатлигига кўпроқ зарар етказувчи спиртли ичимликлар номини маълум қилишди.
Хусусан, лаборатория синовлари ёрдамида эркак ва аёл танасида фалокатли оқибатларга олиб келувчи гуруҳлар аниқлаб олинди. Мутахассисларнинг тасдиқлашича, энг хавфли ичимликлар рўйхатига кам миқдордаги спирт элементларидан ташкил топган эмульсин киради.
Экспертларнинг сўзларига кўра, ушбу суюқликларни қабул қилган одам ўз вақтида тўхтай олмайди ва аслида қанча ичганлигини тушунмайди.
Масалан пивонинг ароққа нисбатан таъсирчанлигини олсак, фоизларда бу кўрсаткич 5га 40ни ташкил этади. Бошқача қилиб айтганда, биринчи ичимлик иккинчисига қараганда кучсизроқ.
Шифокорлар фикрича, спирт миқодри жуда кам бўлган эмульсин ҳам салбий таъсир кўрсатади. Масалан, кўпикли винода буйрак фаолиятини ишдан чиқарувчи катта миқдорда углекислотани кўриш мумкин. Ширин ликерларни ичиш эса онкологик касалликларга олиб келади ва соғлиқни ёмонлаштиради. Шунингдек, шампан виноси ҳам салбий таъсир кўрсатади.
Бўлими : Янгиликлар   |   info  |   :