24 декабрь 2015, кўрилган: 818
22 декабрь куни Ўзбекистон Республикаси Соғлиқни сақлаш вазирлиги Ҳайъатининг навбатдаги йиғилиши бўлиб ўтди. UzMedInfo маркази Aхборот хизматининг хабар беришича, йиғилишда Соғлиқни сақлаш вазири А.Алимов Ҳайъат аъзоларига янги тайинланган 8 нафар раҳбарни таништирди.Унга кўра, Шуҳрат Нишонов Соғлиқни сақлаш вазирлиги Даволаш-профилактика ёрдамини ташкиллаштириш Бош бошқармаси бошлиғи лавозимига тайинланган бўлса, Марат Садиков Соғлиқни сақлаш вазирлиги Оналик ва болаликни муҳофаза қилиш Бош бошқармаси бошлиғи лавозимини эгаллади.
Соғлиқни сақлаш вазирлиги Назорат инспекцияси бошлиғи лавозимида Абдували Агзамов фаолиятини давом эттирадиган бўлди. Республика суд тиббий экспертизаси бош бюроси бошлиғи – Алишер Искандаров, Республика ўрта тиббиёт ва доришунос ходимларни малакасини ошириш ва уларни ихтисослаштириш маркази директори – Лола Мусаджанова бўлди.
Шунингдек, Андижон давлат тиббиёт институти ректорлигига Абдушукур Садиков тайинланди. Хасан Маматқулов Тошкент тиббиёт академияси Фарғона филиали директори, Қахрамон Хаитов эса Тошкент педиатрия тиббиёт институти ўқув ишлари бўйича проректори лавозимини эгаллади →
04 декабрь 2015, кўрилган: 815
Тиббиёт соҳасини ривожлантириш, аҳолига малакали тиббий хизмат кўрсатиш борасида ҳукуматимиз томонидан улкан ишлар амалга оширилмоқда. Яқинда “Саломатлик-3” лойиҳаси доирасида вилоят соғлиқни сақлаш бошқармасига қарашли 2 та шаҳар ва 8 та туман тиббиёт бирлашмаси, 4 та оилавий ва 10 та кўп тармоқли марказий поликлинака 17-28 турдаги жами 975.5 млн. сўмлик замонавий тиббий жиҳозлар билан таъминланганлиги эзгу ишларнинг яна бир ёрқин далилидир. Эндиликда даволаш профилактика муассасалари портатив ЭКГ, рақамли УЗД 2-3, музлаткичлар, геникологик ҳамда жарроҳлик тўпламлари ва пульсоксиметрлардан, врачлар, потранаж ҳамширалар учун қўлланмалардан кенг фойдаланиш имкониятига эга бўлдилар. Шуни алоҳида таъкидлаш жоизки, жорий йил давомида даволаш профилактика муассасалари “Саломотлик-3” лойиҳаси асосида 1 миллиард 637 миллион сўмлик тиббий жиҳозлар билан жиҳозланди.
→