Қидириш   

13 январь 2018,   кўрилган: 789

Ишловчи шифокор - пенсионерларга пенсия тўлиқ тўланади2018 йилнинг январь ойидан бошлаб, ишловчи пенсионер-шифокорларга пенсия 100 фоиз миқдорда тўланади.

Ўзбекистон Республикаси Президентининг 2017 йил 29 декабрдаги 
"Хусусий тиббиёт ташкилотларини янада ривожлантириш бўйича қўшимча шарт-шароитларни яратиш тўғрисида” қарорининг 6-бандига мувофиқ, мулкчилик шаклидан қатъий назар барча тиббиёт ташкилотларида меҳнат қилаётган шифокор-пенсионерларга пенсиялар тўлиқ юз фоиз миқдорида тўланиш тартиби белгиланди.

Илгари Ўзбекистон Республикаси Президентининг "Ишловчи пенсионерларга пенсияларни тўлаш тўғрисида”ги фармонига мувофиқ, қуйидаги тоифадаги ишловчи пенсионерларга пенсиялар тўлиқ миқдорда тўланар эди:

уруш ногиронлари ва қатнашчиларига, Иккинчи жаҳон уруши йилларида ҳарбий хизматни ўтаган ёки фронт орқасида ишлаган шахсларга, I ва II гуруҳ ногиронларига, Чернобиль ҳалокатидан зиён кўрган фуқароларга;

шунингдек, фуқаролар йиғинлари ва маҳаллаларнинг раисларига, уларнинг диний маърифат ва маънавий-ахлоқий тарбия бўйича маслаҳатчиларига, «Нуроний» жамғармасининг барча ходимларига.

— Президентимиз Шавкат Мирзиёевнинг мазкур қарори билан мамлакатимиз соғлиқни сақлаш тизимида фаолият кўрсатиб келаётган 11 минг нафардан зиёд ишловчи пенсионер-шифокорларга пенсиялар тўлиқ тўланадиган бўлди, — дейди республика соғлиқни сақлаш вазирлиги Иқтисодиёт, молиялаштириш ва истиқболни аниқлаш бош бошқармаси бошлиғи Миразим Мирталипов. — Бундан кўзланган мақсад, қишлоқ ва олис туманлардаги тиббиёт муассасаларининг шифокорлар билан таъминланганлик даражасини яхшилаш, вакант ўринларни малакали мутахассислар билан қоплаш, шифокорлар меҳнатини янада рағбатлантириш, тиббий хизмат узлуксизлигини таъминлашдир.ДАВОМИНИ УҚИНГ

Бўлими : Янгиликлар   |   info  |   :
13 январь 2018,   кўрилган: 672

Кореялик профессор Соғлиқни сақлаш вазирига маслаҳатчи этиб тайинландиКорея Республикаси Миллий шифохоналари ассоциацияси раиси, нуфузли Чоннам миллий университети профессори Юн Тэк Рим Ўзбекистон Республикаси соғлиқни сақлаш вазирининг маслаҳатчиси этиб тайинланди.

Президентимиз Шавкат Мирзиёевнинг 2017 йил 22-25 ноябрь кунлари Корея Республикасига расмий ташрифи доирасида икки давлат раҳбарлари ўртасида турли соҳалар, хусусан, соғлиқни сақлаш тизими бўйича ҳам ўзаро манфаатли ҳамкорликни мустаҳкамлаш ва кенгайтириш билан боғлиқ имзоланган кўплаб шартномалар доирасида Ўзбекистон Республикаси соғлиқни сақлаш вазирининг маслаҳатчиси лавозими жорий этилиб, ушбу лавозимга Жанубий Корея Республикасининг таниқли профессори Юн Тэк Рим номзоди тасдиқланди.

Япониянинг Гуруме ва АҚШнинг Джона Хопкинс тиббиёт мактабларида малака оширган машҳур олим Кореядан ташқари, ўз фаолиятини халқаро миқёсда, хусусан, АҚШдаги ортопед-жарроҳлар академияси, Жаҳон ортопед-жарроҳлари ва травматологлари уюшмаси каби нуфузли ташкилотларда ҳам академик тадқиқотлар олиб боради. Ўз фаолияти давомида 8 мингдан ортиқ мураккаб амалиётларни муваффақиятли ўтказган Юн Тэк Рим Жанубий Кореяда бир неча маротаба энг яхши жарроҳ сифатида эътироф этилган. Айнан профессор Юн Тэк Римдан таълим олиш, тиббий кўрикдан ўтиш учун дунёнинг деярли барча давлатларидан шифокорлар ва беморлар Жанубий Кореяга тез-тез ташриф буюриб туради.

Соғлиқни сақлаш вазирининг маслаҳатчиси профессор Юн Тэк Рим халқаро миқёсда орттирган ўз тажрибаси ва илмий салоҳиятини мамлакатларимиз тиббиёт тизими учун сафарбар қилаётганидан ва ушбу меҳнатлари катта эътироф қозонаётганидан мамнун эканлигини билдирди.

Соғлиқни сақлаш вазирлиги

     Ахборот хизмати
Бўлими : Янгиликлар   |   info  |   :