Қидириш   

19 январь 2018,   кўрилган: 154

Аҳоли орасида соғлом турмуш тарзини тарғиб қилиш ҳамда исхтисослаштирилган тиббий ёрдам кўрсатиш мақсадида  Ўзбекистон Республикаси Соғлиқни сақлаш вазирлиги ташаббуси билан мунтазам тарзда ўтказиб келинаётган тиббий-ижтимоий тадбирлар кўламининг кенгайиб бораётганлиги, бу албатта, аҳолига сифатли тиббий хизмат кўрсатиш ҳамда касалликларнинг олдини олишда муҳим аҳамият касб этмоқда.

Яқинда  Республика ихтисослаштирилган терапия ва тиббий реабилитация илмий-амалий марказининг бир гуруҳ юқори малакали шифокорлари Кармана туман тиббиёт бирлашмасида бўлиб, 150 нафардан ортиқ  аҳолига ихтисослаштирилган тиббий ёрдам кўрсатишди.

Кўрик давомида Республика ихтисослаштирилган терапия ва тиббий реабилитация илмий-амалий тиббиёт маркази болалар поликлинкаси бўлими бошлиғи Муаззам Нажмиддинова томонидан оилалар билан ҳам суҳбатлар ўтказилиб, оналар саломатлигига ҳамда болалар парваришига алоҳида эътибор қаратиш лозимлиги, даврга қараб болаларни тўғри овқатлантириш, жисмоний фаоллигини ошириш борасида тавсиялар берилиб, тушунтириш ва тарғибот ишлари олиб борилди.

Аҳоли саломатлигини муҳофаза қилишни янада яхшилаш, тиббиёт тизими фаолиятидан рози қилиш бизнинг энг асосий вазифамиларимиздан биридир, – деди Республика ихтисослаштирилган терапия ва тиббий реабилитация илмий-амалий тиббиёт маркази неврологи Гулнора Каримова. – Бугун мана шу мақсад йўлида астойдил ҳаракат қилаяпмиз. Мамлакатимизда инсон соғлигига шу даражада эътибор қаратилаётган экан, нега биз ўз соғлигимз учун қайғурмаймиз. Инсон авволо ўз соғлигига эътибор қаратса, бизнинг тавсияларимизга амал қилсагина биз асосий мақсадимизга эришамиз.

Дарҳақиқат, биз ўз саломатлигимиз ҳақида қайғурсак, соғлигимизга зарар етказадагиган одатлардан йироқ бўлсак ва албатта, шифокорларнинг сўзларига амал қилсак, соғлом жамият сари муҳим қадамни қўйган бўламиз.

Бўлими : Янгиликлар   |   info  |   :
19 январь 2018,   кўрилган: 226

Врач тоифа олиш учун Соғлиқни сақлаш вазирининг буйруғи билан тиббиёт ва фармацевтика ходимларини аттестациядан ўтказиш ва уларга малака тоифалари бериш тартиби тўғрисидаги низомга ўзгартиришлар ва қўшимча киритилди.

Эндиликда врач ва фармацевтларга биринчи малака тоифасини бериш бўйича аттестация ҳудудий соғлиқни сақлаш органлари (илгари – Соғлиқни сақлаш вазирлиги) ҳузуридаги аттестация комиссиялари томонидан ўтказилади.

Аттестациядан ўтиш учун ҳужжатларни топширишда маълумоти тўғрисидаги ҳужжатнинг ва мутахассислик бўйича малака оширганлиги тўғрисидаги сертификатнинг нусхаларини нотариал тасдиқлатиш шарт эмас. Шунингдек топшириладиган ҳужжатлардан талабгорнинг меҳнат фаолияти ҳақидаги ҳисобот охирги 2 йил (илгари -3 йил) учун тузилади.

Эндиликда аттестация бир босқичда – 5 та саволдан иборат билет асосида суҳбат шаклида ўтказилади. Илгари у 2 босқичда яъни, биринчиси – 50 та тест саволи, иккинчиси – 5 та саволдан иборат билет асосида суҳбат ўтказиларди.

Аттестация натижаларидан норози бўлган талабгорлар Соғлиқни сақлаш вазирлиги ҳузуридаги апелляция комиссиясига апелляция шикояти бериш ёки судга мурожаат қилиш (илгари – фақат апелляция шикояти бериш) ҳуқуқига эга бўлдилар.

 

Бўлими : Янгиликлар   |   info  |   :