Қидириш   

Мақолаларни саралаш: санаси | машҳурлиги | кўрилганлиги | шарҳлари | алифбо
23 октябрь 2016,   кўрилган: 1260

Доривор гиёҳлар аслида қандай қўлланади?Доривор ўтларнинг албатта янги тайёрланганларини ишлатинг. Хом ашё ўз фойдали хусусиятларини сақлаши учун у 12 ой (барглар, гуллар, пояси) ёки 3 йилдан (илдизлари) узоқ вақт ушланмаслиги лозим. Ўсимликларни матодан тикилган қопчалар, шиша идишлар ёки қоғоз пакетчаларда сақлаш зарур.

2. Доривор ўсимликлардан дамлама тайёрлаётганда, ундаги йўриқномага албатта қаранг. Уни кўп қилиб, ёки чамалаб солиш ярамайди. Шундагина бу дамламаларнинг шифобахш таъсирини сезасиз. Илк бор ичаётган дамламани иложи борича бошланишига кам миқдорда татиб кўринг, организмнинг унга бўлган таъсирини кузатинг. Агар ҳаммаси яхши бўлса, кейин дозани белгиланган даражагача кўтариш мумкин.

3. Фиточой ва турли гиёҳли дамламалар ҳам дори бўлиб, уларни шунчаки чанқаганда ичиладиган суюқлик деб қабул қилмаслик даркор. Шу боис кун давомида унинг бир стакандан ошиғини ичиш кўплик қилади. Дарвоқе, гиёҳларни бир ойдан кейин алмаштирган маъқул, акс ҳолда организм унга кўникиб, фойдали таъсири ҳам камаяди.

4. Гиёҳнинг фойдали жиҳатлари камаймаслигининг энг мақбул йўли бу – қайноқ сув ўрнига сал иссиқроғини солишдир. У бир-икки соат тургач, фойдали ичимлик тайёр бўлади.

Қадимги табиблар ўсимликлар, гиёҳлар ёрдами билан даволаб бўлмайдиган касалликнинг ўзи йўқ, деб ҳисоблашган. Дарҳақиқат, гиёҳлар жуда шифобахшдир. Бироқ агар сиз уни тайёрлаш, истеъмол қилиш, сақлашда керакли шартларга амал қилсангизгина бундан бирон наф бўлади. Акс ҳолда… Лекин ундан ҳам олдин, сиз албатта шифокор билан маслаҳатлашиб олганингиз маъқул.
Бўлими : Янгиликлар / Шифокор маслаҳати   |   info  |   :
20 август 2015,   кўрилган: 1432

Зарарли одат!Кўпчилик бир вақтнинг ўзида ҳам овқатланади, ҳам телевизор томоша қилади, журнал ўқийди ёки компьютер ўйинларини ўйнайди. Бундай ҳолатда еган овқатингизнинг таъмини ҳам сезмайсиз, ундан қониқиш ҳиссини ҳосил ҳам қилмайсиз. Бундай машғулотларни бир вақтда бажариш зарарли одатга олиб келиши турган гап: компьютер, китоб ёки телевизорга ўтирган заҳотингиз дарров нимадир егингиз келиб қолади.
Борди-ю, сизда ҳам бу зарарли одат бўлса, ундан тезроқ қутулиш йўлларини ахтаринг! Телевизор кўришни, китоб ўқишни бошқа вақтга ҳам қолдирсангиз бўлади. Лекин зинҳор улар билан бир вақтда овқатлана кўрманг. Акс ҳолда семириш деган балога йўлиқмаслигингизга ҳеч ким кафолат бермайди.
Бўлими : Шифокор маслаҳати   |   info  |   :
01 июль 2015,   кўрилган: 2179

Офтоб урса…Мана, ёз ҳам бошланди. Мазкур фаслда қуёшнинг қизғин нурлари остида бошяланг юриш оҳибатида «офтоб уриши» мумкин. Бу ҳолат, ўз навбатида, кўнгилсиз асоратларга сабаб бўлади.
Айниқса, жазирама кунларда зироат ишлари, бунёдкорлик ишлари билан машғул бўлганлар, шунингдек, қир-яйловларда мол боқувчилар, соясиз кўчада кўп юрганлар орасида офтоб уриши кузатилади. Бундай ҳолат гоҳида сув ҳавзалари бўйида тобланганда ҳам учраб туради.
Одатда енгил кўринишдаги офтоб уришида одамнинг боши оғрийди, қулоқлари шанғиллайди. Оғирроқ ҳолатларда эса беморнинг кўнгли айнийди, юрак уриши тезлашиб, ҳапқиради, тана ҳарорати кўтарилади, томири тортишиб, чангак бўлиши ҳам мумкин.
ДАВОМИНИ УҚИНГ
Бўлими : Янгиликлар / Шифокор маслаҳати   |   info  |   :
04 март 2015,   кўрилган: 1850

Қон босими нега пасаяди?Қовоқларингиз оғирлашиб, кўзларингиз юмилиб кетяптими? На аччиқ чой ва на қаҳва ёрдам бермаяптими? Ўйлаб кўринг, балки гипотоникдирсиз? Тиббиётда қон босимининг катта ёшлиларда 90/60, болаларда эса 70/40 мм симоб устунидан пасайиб кетиши гипотония (артериал гипотензия) деб аталади. Тўғри, бу касаллик натижасида гипертонияда бўлгани каби инфаркт ёки инсульт келиб чиқмайди, лекин бемор ҳолсиз бўлиб қолади, иш қобилияти пасаяди.

Бу қандай касаллик?

– Гипотонияга чалинган одам тез чарчайди, боши оғри бўлиб, юраги атрофида нохуш сезгилар пайдо бўлади, боши айланади, – дейди тиббиёт фанлари доктори, профессор Тоҳир Ибрагимов. – Айниқса, бирдан ўрнидан турганида, бошини бурганида боши айланади. Бундай беморлар куннинг иссиғини, дим жойларда ўтиришни кўтара олмайдилар, айниқса, ҳаво босимининг ошишига жуда сезгир бўладилар. Хуллас, гипотоникларнинг ташқи муҳит ўзгаришларига мослашиши қийинроқ бўлади. Улар кун бўйи ўзларини турлича сезадилар: уйқудан тетик бўлиб турмайдилар, бироз юрганларидан сўнг бўшашиш ўтиб кетади, лекин куннинг иккинчи ярмида яна чарчаб, тинкалари қуриб қолиши мумкин. Мабодо фарзандингизнинг ҳадеб фикри тарқоқ бўлиб, бўшашаётганини кузатсангиз, уни танбалликда айблайвермай, шифокорга кўрсатинг.

Одам нега бунчалик тез чарчаб қолади
ДАВОМИНИ УҚИНГ
Бўлими : Шифокор маслаҳати   |   info  |   :
15 январь 2015,   кўрилган: 2501

Гастрит зўраймасин !Гастрит ошқозон шиллиқ қаватининг яллиғланиши бўлиб, кўп учрайдиган касалликлар сирасига киради. Айрим мутахассисларнинг фикрича, гастритнинг енгил тури деярли ҳаммада бўлар экан. Албатта, бу ҳолатнинг зўрайиб кетиши, касалликнинг авж олишига йўл қўймаслик керак.
Гастритнинг келиб чиқишига нотўғри овқатланиш, ичкиликка ружу қўйиш, руҳий изтироблар, айрим дориларни (масалан, баъзи антибиотиклар) узоқ муддат қабул қилиш, чекиш, ичак инфекциялари, хеликобактер пилори микроби, ошқозон ости бези ва ўт пуфагининг хасталаниши сабаб бўлади.
Гастрит кечишига кўра ўткир ва сурункали турларга бўлинади.
Давомини уқинг
Бўлими : Шифокор маслаҳати   |   info  |   :
22 декабрь 2014,   кўрилган: 1534

Қон босими нега пасаяди ?Қовоқларингиз оғирлашиб, кўзларингиз юмилиб кетяптими? На аччиқ чой ва на қаҳва ёрдам бермаяптими? Ўйлаб кўринг, балки гипотоникдирсиз? Тиббиётда қон босимининг катта ёшлиларда 90/60, болаларда эса 70/40 мм симоб устунидан пасайиб кетиши гипотония (артериал гипотензия) деб аталади. Тўғри, бу касаллик натижасида гипертонияда бўлгани каби инфаркт ёки инсульт келиб чиқмайди, лекин бемор ҳолсиз бўлиб қолади, иш қобилияти пасаяди.
Бу қандай касаллик?
– Гипотонияга чалинган одам тез чарчайди, боши оғри бўлиб, юраги атрофида нохуш сезгилар пайдо бўлади, боши айланади, – дейди тиббиёт фанлари доктори, профессор Тоҳир Ибрагимов. – Айниқса, бирдан ўрнидан турганида, бошини бурганида боши айланади. Бундай беморлар куннинг иссиғини, дим жойларда ўтиришни кўтара олмайдилар, айниқса, ҳаво босимининг ошишига жуда сезгир бўладилар. Хуллас, гипотоникларнинг ташқи муҳит ўзгаришларига мослашиши қийинроқ бўлади. Улар кун бўйи ўзларини турлича сезадилар: уйқудан тетик бўлиб турмайдилар, бироз юрганларидан сўнг бўшашиш ўтиб кетади, лекин куннинг иккинчи ярмида яна чарчаб, тинкалари қуриб қолиши мумкин. Мабодо фарзандингизнинг ҳадеб фикри тарқоқ бўлиб, бўшашаётганини кузатсангиз, уни танбалликда айблайвермай, шифокорга кўрсатинг.
Одам нега бунчалик тез чарчаб қолади?
Маълумки, соғлом кишида юрак-қон томир тизими бир меъёрда ишлайди. Гипотония касаллигида эса қон томирлар ҳаддан ташқари кенгайиб, тонуси пасайиб кетади, натижада юрак-қон томир тизими фаолияти бузилади; қоннинг кўп қисми томирларда қолиб, юракка кам етиб келади, оқибатда юрак чиқариб берадиган қон миқдори пасаяди, бош мия қон томирлари ҳам қон билан тўла таъминлана олмайди, яъни қон айланиши ёмонлашади. Гипотониклар қувватсизлик ва кўп терлашдан нолийдилар. Асабнинг қаттиқ бузилиши, вақтида дам олмаслик, сурункали равишда тўйиб ухламаслик, кам ҳаракатлилик қон босимининг пасайишига олиб келади. Шунингдек, ташқи салбий омиллар – ионли радиация, бензол, қўрғошин билан кўп алоқа қилувчилар ҳам қон босими пасайишига мойил бўлишади. Гипотония баъзи касалликлар (Аддисон, микседема, гипогликемия, ўткир ва сурункали гепатит) асорати сифатида, қон босимини туширадиган дориларни кўп ишлатиш оқибатида ҳам келиб чиқиши мумкин.
Уйқу – энг яхши дори
Гипотонияга чалинган киши, албатта, тиниқиб, 9-10 соат ухлагани маъқул. Уйқудан уйғониб, бирданига туриб кетмаслик керак. Маълумки, одам ухлаганида қон асосан жигар, ичаклар, талоқда тўпланган бўлади ва бош мия қон билан тўлиқ таъминланмайди. Бундай вазиятга гипотоник бирданига ўрнидан турса, боши айланиши, ҳатто, ҳушидан кетиб қолиши мумкин. Бунинг олдини олиш учун ётган ҳолатда енгил гимнастика машқларини бажариш (қўл бармоқлари, тизза ва тирсак бўғимларини букиш), кейин каравотда озгина ўтириб, эҳтиёткорлик билан туриш керак.
Гипотониклар уйқудан уйғонгач, қуйидаги машқларни ҳам бажаришлари мумкин: ётган ҳолда оёқларни кўтариб, худди велосипед ҳайдаётгандек айлантириш,; оёқлар билан «қайчи» ҳаракатини қилиш; қўл-оёқларни кўтариб силкитиш ва бўш қўйиб, бирданига пастга ташлаш.
Умуман, гипотонияда пиёда сайр қилиш, сузиш, оғир жисмоний зўриқиш талаб қилмайдиган спорт ўйинлари билан шуғулланиш фойдали.
Парҳез ҳақида
Гипотоникнинг таомларида минерал моддалар ва витаминлар, айниқса, В1, С, Р етарли бўлиши керак. Гречиха ва сули ёрмасидан тайёрланган бўтқалар фойдали. Сабзи, қизилча, бақлажон ва цитрус мевалар еб туриш керак, ёғли ва хамир овқатлардан эса тийилган маъқул. Қора тут жуда фойдали.
Бўлими : Шифокор маслаҳати   |   info  |   :
24 ноябрь 2014,   кўрилган: 1413

Консерваланган «микроб»ларОзиқ-овқат маҳсулотлари турли хилдаги микроорганизмларнинг барқарор ривожланишида асосий манба ҳисобланади. Умумий овқатланиш корхоналари ходимлари учун истеъмол маҳсулотларининг микрофлораси, шунингдек, улардаги микробиологик жараёнларнинг кечиши ҳақидаги билимга эга бўлиш, уларни сақлаш, қайта ишлаш, таом тайёрлаш ва уни тарқатиш, асосийси эса озиқ-овқат маҳсулотларининг зарарсизлигини таъминлашда муҳим аҳамият касб этади.
Сабзавот, мева, гўшт, балиқ ва бошқа маҳсулотлардан тайёрланган, герметик тарзда ёпилган, стерилизация қилиб белгиланган қоида асосида (вақт, ҳароратга) амал қилинган ҳолда тайёрланган консервалар микробдан холи, уларни узоқ вақт сақлашга чидамли бўлади.
Бироқ, банка (шиша идиш) ва консерва қутилардаги маҳсулотларнинг микроб-лар таъсирида бузилиши кўпчиликка маълум. Бунга сабаб консервалардаги кўзга кўринмайдиган спора ва бактериялардир. Айрим бактерия ва споралар стерилизация ҳолатига ҳам ниҳоятда чидамли бўлади. Ҳаётийлигини сақлаб қолган бу микроорганизмлар ривожланиш жараёнида ўзларидан карбонад ангидрид гази, водород ва водород сульфидни чиқариб консерва қутиси ва банкаларнинг қопқоғи кўтарилиб қолишига сабаб бўлади. Бундай ҳолатлар биологик бомбаж дейилади. Ботулотоксин таёқчаларидан ажралиб чиққан, ўзида токсинларни сақлаган бундай бомбаж банкалар заҳарли бўлади. Улар йўқ қилиниши керак.
Сархил ва янги узилган мева-сабзавотлар сув, ҳаво ва уларнинг пўстлоғидан чиққан микроорганизмлар туфайли мунтазам уруғланиб туради. Пўстлоғи сабаб органик кислота соки, нисбатан гликозид, эфир мойи, оритонцидларга янги сабзавот ва мевалар чидамли иммунитетга эга бўлади.
Юқорида кўрсатиб ўтилганидек сабзавот ва меваларнинг бузилиши ёки узоқ вақт сақланиши уларнинг пўстлоғининг бутунлигига боғлиқ. Пўстлоқ қисмининг бутун эмаслиги туфайли микроблар ичкаридаги юмшоқ жойига ўтиб олади ва аввалига мева-сабзавотларнинг турланишига, кейин эса чиришига сабаб бўлади.
Бўлими : Шифокор маслаҳати   |   info  |   :
17 ноябрь 2014,   кўрилган: 2013

ЕСАНГИЗ ШОЛҒОМ, БЎЛАСИЗ СОҒЛОМ!
Иссиқ бўлар шолғом ким еса такрор,
Кўрлар шолғом есин деган масал бор.
Чунки у кўзларга беради қувват,
Хому пишиғида бор шундай хислат
Шишганда совуқдан қўл ёки оёқ
Наф қилади шолғом суркалгани чоқ
.

Қадимдан кўпгина хасталикларга даво сифатида истеъмол қилинадиган шолғомнинг оғриқ қолдирувчи, яраларни битирувчи, шамоллашларга қарши курашувчи, пешоб ҳайдовчи ва антисептик хусусиятлари бор. Шолғом витамин С, В1, В2 га, клетчатка, каротинга жуда бой.
Қайнатиб пиширилгани нафас қисишини даволаса, орасига сариёғ ва асал солиб қасқонда пиширилгани кўкракни юмшатади. Томоқ оғриганда шолғом қайнатилган сув билан ғарғара қилинг. Эзилтириб пиширилгани симиллаб оғриётган жойларга босилса, фойда қилади. Уй шароитида шолғомдан қайнатма тайёрлаш унчалик қийин эмас. Икки ош қошиқ майда тўғралган шолғом устига бир стакан сув қуйиб, 15 дақиқа қайнатилади. Шамоллаганда чорак стакандан ичиб турилади.
Халқ табобатида шолғом ва унинг шарбатидан йўтал, овоз бўғилиши, аст¬ма касалликларини даволашда фойдаланилган. Шолғом истеъмол қилинганда асабларни тинчлантиради, юрак ишини меъёрга солади. Шунингдек, Абу Али ибн Сино шолғом уруғидан тайёрланган дорилар билан қовуқ ва човдаги шишларни йўқотган, кўз хасталигини даволаб, кўриш қувватини яхшилашда фойдаланган.
Ибн Синонинг «Тиббий ўгитлар» асарида шолғом ҳақида шундай дейилади: «Семиз гўшт билан пиширилган шолғом кўкракни ва томоқни юмшатади. Шолғомнинг қайнатмасини подагра касалига қўйилса, кўп манфаат етади, гўшт билан қайнатилгани эса белни қиздиради, сийдикни ҳайдайди. Унинг япроғини ейилса ҳам сийдикни юриштиради».
Шолғом ичакларга саломатлик бағишловчи ажойиб восита ҳамдир.
Бироқ ичакларда яллиғланиш кучайганда, ўткир ва сурункали гепатит ҳамда холециститда, марказий асаб тизими касалликларида шолғом истеъмол қилиш тавсия этилмайди.
Шолғомли муолажалар
- Шолғом бурун бўшлиғидаги ҳамма шиллиқларни тозалаб чиқариб ташлайди. Уни кунига икки марта ярим қадоқдан (200 г) қирғичдан ўтказиб, хомлигича истеъмол қилинади. Камида бир соат бошқа нарса емаслик, ичмаслик лозим. Бундай даволаниш жараёнида ҳар куни 2 марта икки пиёладан қатиқ ичиш керак. Қовурилиган, ёғли овқатлар, кабоб ва сут вақтинча истеъмол қилинмайди. Бурунга камида икки маротаба 2-3 томчидан шолғом сувини томизиш керак.
- Гўшт билан қайнатилган шолғом кучли озиқа бўлиб, меъдада узоқ вақтгача қолади. Шолғом қайнатмаси иситма баланд бўлганда ҳамда юрак безовталанганда жуда яхши шифо ҳисобланади. Бунинг учун 2 ош қошиқ майдаланган шолғом устига бир стакан қайноқ сув қуйиб, 15 дақиқа қайнатилади. Совигач, иситмани тушириш учун чорак стакандан ичиб турилади.
- Ўпка ва нафас йўллари касалликларини даволашда шолғом яхши натижа беради. Шолғом сувининг шакар ёки асал билан аралашмаси йўтал қолдирувчи восита ҳисобланади. Бунинг учун шолғом сувидан кунига 3-4 маҳал бир ош қошиқдан ичиш лозим. Шолғомдан тинчлантирадиган дори тайёрлаш учун бир ош қошиқ майдаланган шолғом устига бир стакан қайноқ сув қуйиб, 1 дақиқа қайнатилади. Бундай қайнатмадан уйқу олдидан бир стакан ичилса, тинчлантирувчи дори сифатида таъсир кўрсатади.
- Халқ табобатида уйқусизликни даволашда ҳам шолғомдан фойдаланилади. Фойдаланиш учун 2 ошқошиқ тўғралган шолғом устига бир стакан қайноқ сув қуйиб, 15 дақиқа қайнатилади ва чорак стакандан ичилади.
Шолғом баргида кальций миқдори шунчалик кўпки, ҳеч бир сабзавот бу борада унга тенг келмаса керак. Унинг баргидан тайёрланган шарбатни сабзи ва қоқиўт шарбатларига қўшилса, тишлар ва суяк тўқималарини мустаҳкамловчи ажойиб восита ҳосил бўлади. Шунингдек, шолғом барги шарбатини селдерей ва сабзи шарбатларига қўшиб истеъмол қилинса, ошқозон кислоталилигини камайтиришда даво бўлади.
Бўлими : Шифокор маслаҳати   |   info  |   :
10 ноябрь 2014,   кўрилган: 1587

Беҳи – олтин кузнинг сархил туҳфасиМеваларнинг шифобахш хусусиятлари тўғрисида кўп китоблар битилган. Уларнинг ҳар бири ўзига хослиги билан ажралиб туради. Ана шундай мевалар орасида беҳи ҳам ўзининг бетакрорлиги билан жуда машҳур.
Беҳи – тушкунликка қарши восита.
Беҳи – парҳез тутувчи инсонлар учун жуда фойдали. Унинг таркибида холестерин ва ёғ моддаси умуман учрамайди.
Беҳи таркибида А, В1, В2, В6, С, Е, РР витаминлари ва бир қатор макро ва микроэлементлар мавжуд. У антоциан, феноль, ошловчи модда ва мева кислотасига бой. Бу мева таркибидаги калий натрийга нисбатан 10 баробар кўп учрайди. Беҳи таркибида олма ва лимон кислотаси ҳам мўлроқ.
Энг асосийси эса беҳидан тушкунликка қарши восита сифатида фойдаланса бўлади.
Беҳи таркибида кўплаб антиоксидант моддалар мавжуд, у саратоннинг олдини олади. Бу мева таркибидаги антиоксидантлар тоза аскорбин кислотасидан устун туради. Беҳи тушкунликка қарши ва табиий тинчлантирувчи восита ҳисобланади.
Шунингдек, бу мева вирусларга қарши воситадир. Бу грипп касаллигида самарали натижа беради. Япон олимларининг таъкидлашича ушбу меванинг меъда яраси касаллигини даволашда ҳам қўллаш мумкин. Беҳини кўп истеъмол қилган инсонларда кўз ва жигар касалликларига чалиниш ҳолатлари кузатилмайди.
Ушбу мевани кўпчилик олма ва нокнинг яқин қариндоши деб ҳисоблайди. Лекин беҳи уларга нисбатан қаттиқ ва тахирлиги билан ажралиб туради, бунинг натижасида эса ҳазм қилишда муаммолар юзага келиши мумкин.
Таркиби
Беҳини қадим-қадимдан даво воситаси сифатида кенг қўллашган. Ичак фаолиятини яхшилаш ва даволаш мақсадида беҳи мураббоси ва дамламасидан фойдаланишган. Бу меванинг фойдали таркиби тахикардия (юракнинг тез уриши), ич кетиши ва гепатит (сариқ) касаллигида яхши самара беради. Беҳи мевасидан тайёрланган дамламани эса камқонликда истеъмол қилиш мумкин. Бу турдаги дамламани тайёрлаш учун 10 гр. қуритилган мева 100 мл. қайноқ сувга аралаштирилади ва овқатланишдан олдин 1 ош қошиқ миқдорида истеъмол қилинади.
Қадимда беҳи мевасини ич кетишга қарши восита сифатида қўллашган, унинг таркибида кўп миқдорда пектин моддаси мавжуд. Кўп миқдордаги пектин организмдаги салмоқли тузни ва радионуклид моддасини чиқаришни осонлаштиради. Таркибида пектин моддасининг кўплиги сабабли беҳидан мураббо ва мармелад тайёрлаш учун ажойиб хомашё олинади.
Меванинг уруғи ҳам жуда фойдали. Унинг таркибида кўп миқдорда шиллиқ моддаси мавжуд. Беҳи уруғи сув билан аралаштирилганда шиллиқ модда ҳосил бўлади, бу моддадан балғам кўчиришда, йўталга қарши восита сифатида, бронхит, грипп, ЎРВИ (ўткир респиратор вирусли инфекциялар)да қўллаш мумкин. Бу турдаги шиллиқ моддадан стоматологияда гингвит, глоссит ва пародонтозда фойдаланилади.
Бронхиал астма (зиққинафас) хуружи вақтида беҳи баргидан қилинган тиндирма (настойка) ёрдам беради. Бу тиндирма учун 5 дона беҳи баргини 200 мл. қайнаган сувга солинади. Бу мева баргидан қилинган чой пешоб ҳайдовчи восита ҳамда сийдик пуфаги касалликларида самарали натижа беради. Чойни тайёрлаш учун 1 ош қошиқ миқдорда қуруқ беҳи баргини ва шунча миқдорда уруғини 200 мл қайнаган сувга солинади ва паст оловда 5-6 дақиқа қайнатилади. Совутилган чой сузгичдан ўтказилади. Мазали бўлиши учун оз миқдорда асал қўшса ҳам бўлади. Кун давомида 1 ош қошиқдан 3-4 марта истеъмол қилинади.
Беҳидан тайёрланган тиндирма инсон организмида кислотанинг ошиб кетишига йўл қўймайди дейди, япон мутахассислари.
Тибет тиббиётида ушбу мевадан организмда қон айланиши ва моддалар алмашинувини яхшилаш ҳамда ортиқча ёғ моддаларини парчалаш мақсадида фойдаланишган. Бу мева таркибида 10 фоиздан кўп аскорбин кислотаси, 5 фоиз лимон кислотаси, олма ва бошқа кислоталар мавжуд.
Пишиб етилган беҳи таркибида С витамини ва ниацин, жуда кўп миқдорда калий, пектин, кальций, фосфор, натрий моддалари мавжуд. Халқ табобатида беҳидан ўпка касаллигида ҳам фойдаланишган.
Янги узилган беҳини истеъмол қилиш бироз қийин. Сабаби унинг мазаси тахир ва ўзи қаттиқдир. Мевани анча вақтгача сақлаш мумкинлигини ҳисобга олсак уни эрта баҳорда ейиш анча фойдали. Биринчидан, мева анча юмшайди, иккинчидан эса унинг ҳиди янада хушбўйлашиб иштаҳани очади.

Манба: soglom.uz
Бўлими : Шифокор маслаҳати   |   info  |   :
05 ноябрь 2014,   кўрилган: 1778

ДўланаДўлана асосан Шимолий Америкада кенг тарқалган. У ерда унинг 1 минг 250дан ортиқ нави учрайди. Даво мақсадида дўлананинг пўстлоғи, меваси, гулидан фойдаланишади. Улар биологик фаол моддалар саналади. Меваси соя-салқин жойда ёки қуритгич воситаси (50 даража ҳарорат) да қуритилади, қуригач ундан хушбўй ифор таралади.
Дўлана қон томирларини кенгайтириб, холестеринни камайтиради. Юракда қон айланишини тезлаштиради, бош оғриғи, пешоб ҳайдовчи хусусиятга эга, капилляр қон томирлари деворининг ўтказувчанлигини пасайтиради.
Дўлана меваси ва гулидан қилинган тиндирма уйқу чақиради. Организмнинг умумий аҳволи ва юрак ишини мустаҳкамлайди. Ўсимлик юрак етишмовчилигида, қон томирлари сиқилишини бартараф қилишда, оғир касалликлардан сўнг организмни тиклаш мақсадида қўлланилади.
Гулларидан қилинган тиндирма мевасидан анча самарали. Шифокорларнинг такидлашича дўлана мевасидан қилинган малҳам “қариб қолган” юрак мушаклари ишини мустаҳкамлаб у билан боғлиқ касалликларни бартараф қилади. Юрак оғриқларида ҳам самарали фойда беради. Немислар дўланага “юрак учун нон” деб таъриф беришади.
ДАВОМИНИ ЎҚИНГ
Бўлими : Шифокор маслаҳати   |   info  |   :