Қидириш   

» » Ўзбекистон – Эрон тиббиёти ҳамкорлик йўлида

Ўзбекистон – Эрон тиббиёти ҳамкорлик йўлида
08 ноябрь 2018,   кўрилган: 32

Ўзбекистон – Эрон тиббиёти ҳамкорлик йўлидаЯқинда вилоят соғлиқни сақлаш бошқармаси мажлислар залида Эрон Ислом Республикасининг бир гуруҳ тиббиёт соҳаси вакиллари, тиббий олий ўқув юрти масъуллари, инвестор тадбиркорлари иштирокида Навоий вилоятида Эрон давлати билан турли йўналишларда икки томонлама инвистицион муҳитни йўлга қўйиш ва ривожлантириш масалаларига оид учрашув бўлиб ўтди.

Учрашувда вилоят соғлиқни сақлаш бошвармаси бошлиғи Ф.Гафаров, Эрон Ислом Республикаси Қазвин вилояти сармоядорларни жалб қилиш маркази раиси Сайид Муҳаммадали Қосимий, тиббиёт институти ректори Руҳиллоҳ Баёт, гинеколог шифокор Носирий хоним, тадбиркор инвестор Юсуф Гуржи шунингдек, бошқарма бўлим бошлиқлари,  вилоятимиздаги хусусий тиббиёт муассасалари раҳбарлари иштирок этишди.    

Учрашувда юртимиз вилоятлари хусусан, Навоий вилояти тиббиёт соҳасига чет эл инвестициясини киритиш, сармоядорларни жалб қилган ҳолда тиббиётни инновацион ривожлантириш масалалари бўйича фикрлар алмашилди. Учрашувда меҳмонлар Эрон Ислом Республикасида тиббиёт соҳасида эришилган сўнги ютуқлар, у ердаги аҳоли саломатлигини таъминлашга қаратилган ишлар, тиббий таълим беришнинг ўзига хос жиҳатлари хусусида батафсил маълумотлар беришди. Ушбу йўналишда икки томонлама ҳамкорлик истиқболларини белгилаш бўйича шарт-шароитлар хусусида сўзлаб ўтишди.    

-Вилоятингизда инвистицион муҳит барқарорлиги, шарт-шароитларнинг тўлақонли яратилганидан мамнун бўлдик, бунга айнан ташриф давомида гувоҳ бўлиш ишларимиз самарасига катта таъсир ўтказади - , дейди гуруҳ раҳбари Доктор Қосимий.   

 Агарда Сиз мақолада хатони учратган бўлсангиз, унда матнни белгилаб, CTRL + ENTER  тугмасини босинг ва сайт маъмурига хабарнома жўнатинг.

Бўлими : Янгиликлар   |   info  |