06 июль 2020, кўрилган: 582
Навоий вилоятида коронавирус инфекциясига қарши олиб
борилаётган ишлар тўғрисида қисқача маълумотРеспубликамиз ҳудудлари сингари вилоятимизда ҳам COVID-19 пандемиясига қарши профилактик тадбирлар изчил амалга оширилмоқда.
Шу мақсадда барча ташкилий тадбирлар олиб борилмоқда ва бу тадбирларни амалга ошириш учун етарли миқдорда маблағлар ажратилган.
Вилоятимизда Навоий вилоят СОЭ маркази, вилоят ОИТС га қарши кураш маркази, "Гемотест” хусусий лабораторияси, Зарафшон шаҳар СОЭ марказида беморлар билан мулоқотда бўлган, коронавирус инфекциясига гумон қилинган фуқаролардан олинган суртмалар коронавирусга текширилмоқда.
Навоий вилоятида жами 295 нафар беморда COVID-19 коронавирус инфекцияси референс тасдиқланган бўлиб, жорий йилнинг 1 июль кунигача улардан 252 нафари тузалди. Ҳозирги кунда ушбу беморларнинг 43 нафари вилоятдаги муассасаларда даволанмоқда. Ундан ташқари беморлар билан бирламчи мулоқотда бўлган икки мингдан ортиқ ортиқ фуқаролар стационар ва уй шароитида карантинга олинган.
Соғлиқни сақлаш вазирлигининг 2 июлдаги 176-сонли буйруғи асосида жорий йилнинг 5 июль кунидан бошлаб, COVID-19 коронавирус инфекциясига референс тасдиқлаш учун вазирлик томонидан марказлашган ҳолда Германия давлатида ишлаб чиқарилган тест диагностикумлари ажратилиб, якуний тасдиқ вилоят Санитария-эпидемиологик осойишталик марказларида амалга оширилиши йўлга қўйилди.
Ушбу буйруқ асосида вилоятдаги тест натижаси мусбат бўлган, касаллик белгилари бўлган ва ушбу беморлар билан мулоқотда бўлган фуқаролар ҳудудий санитария-эпидемиологик осойишталик маркази ҳамда тиббиёт бирлашмалари мутахассислари томонидан назоратга олиниб, ташкил этилган махсус тиббиёт муассасаларига ётқизилади ва айнан коронавирус инфекциясига қарши даво билан тўлиқ қамраб олинади.
176-сонли буйруққа кўра, беморлар 3 тоифага бўлиниб:
- касаллик аломатсиз кечаётган беморлар уй шароитида назоратга оилиниб, участка врачи ва ҳамширалари томонидан назорати олиб борилади;
- касаллик аломатлари енгил кечаётган фуқаролар махсус карантин муассасаларида кузатувга олинади;
- касаллик яққол белгилар билан кечаётган беморлар шифохонага ётқизилиб, даво ва кузатув олиб борилади.
Зарафшон шаҳар 2-кичик туман 20а-уй, 25-хонадонда истиқомат қилувчи 1987 йилда туғилган Бобонорова Дилрабо НКМКга қарашли ГМЗ-2 да ишлайди. Фуқаро 2020 йил 1 июль куни умумий ҳолсизлик ва тана ҳарорати 37.3 С га кўтарилиб, НКМКга қарашли 3-сонли ТСҚ катталар поликлиникаси цех врачига мурожаат қилган.
Цех врачи томонидан вирусга қарши ва умумий қувватловчи дори воситаларини тавсия этилган ва фуқаро 2020 йил 2 июль кунидан уй шароитида назоратга олинган.
Тавсиялар Соғлиқни сақлаш вазирлиги томонидан тасдиқланган стандартлар асосида берилган.
2020 йил 2 июль куни фуқаро ва фарзанди 2007 йилда туғилган 3-умумтаълим ўқувчиси Эшбутаев Жавоҳир Суннатовичдан коронавирус инфекциясига гумон қилиниб, лаборатор таҳлил учун суртма олинган. 2020 йил 3 июль кунги таҳлил натижаларига кўра ўзи ва фарзандида бирламчи мусбат натижа қайд этилган. Фуқаро Д.Бобонорова 2020 йил 4 июль куни умумий аҳволи қониқарли бўлган, умумий ҳолсизлик ва тана ҳароратининг кўтарилиши шикоятлари билан ўзи ва фарзанди даволаш муассасасига ётқизилган. Хозирда фуқаро Д.Бобонорова ва фарзанди Ж.Эшбутаевларнинг умумий аволи қониқарли тана ҳарорати нормада, шикоятлари йуқ.
Вилоят соғлиқни сақлаш бошқармаси ахборот хизмати
→
04 июнь 2020, кўрилган: 551
ИЛК БЕМОР ЖАРРОҲЛИК АМАЛИЁТИДАН МУВАФФАҚИЯТЛИ ЎТДИХабарингиз бор, Ўзбекистон ёшлар иттифоқи ташаббуси билан юрак хасталигига чалинган ёшларни даволашга қаратилган "Меҳрибон юрак" II хайрия акцияси ташкил этилган эди.
Акция доирасида ўтган 2019-йилда 14 нафар болаларни соғлом ҳаётга қайтаришга эришилган эди, жорий йилда ҳам яна 10 нафар болаларда жарроҳлик амалиёти ўтказилиши режалаштирилган.
Бугун 3-июн куни акция доирасида илк бемор жарроҳлик амалиётидан муваффақиятли ўтди.
→
01 май 2020, кўрилган: 775
Олий Мажлис Қонунчилик палатаси депутати Ўктам Исламов бошчилигидаги Навоий вилояти депутатлари СОVID-19 коронавирус инфекциясининг тарқалишини олдини олиш ҳамда аҳоли саломатлигини мухофаза килишга ўз ҳиссаларини қўшиб, Навоий вилоятидаги барча шаҳар ва туман тиббиёт бирлашмаларининг КТМП, ҚОП ва ҚВПларга 30 дона тана ҳароратини масофадан ўлчайдиган ускуна Пирометр олиб бердилар. Соғлиқни сақлаш бошқармаси ва тизимдаги барча шифокорлар депутатларимизга ўз миннатдорчилигини билдиради.
24 март 2020, кўрилган: 558
НИҚОБСИЗ КӮЧАГА ЧИҚМАНГ!!!
👉 Тошкент шаҳри, Қорақалпоғистон Республикаси, вилоятлар марказларида 23 мартдан жамоат жойларида шахсий ҳимоя воситалари (ниқоб)сиз бўлган шахсларга "огоҳлантириш” берилади;
👉 25 март куни соат 6:00 дан бошлаб ушбу ҳолат қайд этилса – базавий ҳисоблаш миқдорининг бир баробари (223 минг сўм) миқдорида, мазкур ҳолат яна қайтариладиган бўлса – базавий ҳисоблаш миқдорининг уч баробари (669 минг сўм) миқдорида жарима қўлланилади.
→
19 март 2020, кўрилган: 573
2020 йил 9-14 март кунлари Навоий вилоят соғлиқни сақлаш бошқармаси мажлислар залида Ўзбекистон Республикаси Соғлиқни сақлаш вазирлиги томонидан "Валеология – соғломлаштириш тиббиётининг асосий фани” мавзусида сайёр малака ошириш курслари бўлиб ўтди.Машғулотлар ТошВМОИ Валеология кафедраси мудири, Т.Ф.Д. профессор Ш.Б.Иргашев томонидан олиб борилди. Машғулотларда вилоят даволаш профилактика муассасалари раҳбарлари, шаҳар ва туман тиббиёт бирлашмалари бошлиқлари қатнашиб, билим ва малакалари оширилди.
13 февраль 2020, кўрилган: 702
Кармана туманидаги «Навоий» халқаро аэропортида Вилоят соғлиқни сақлаш бошқармаси ташаббуси билан «Янги турдаги коронавирус инфекциясини вилоят ҳудудига кириб келиши ва тарқалишини олдини олишга қаратиган махсус-тактик ўқув машқи ўтказилди.
→
11 февраль 2020, кўрилган: 503
Бугун, 11 февраль куни Ўзбекистон Республикаси Соғлиқни сақлаш вазирлигида Жахон Соғлиқни сақлаш ташкилоти Европа офиси раҳбари доктор Ханс Клюге ташрифи юзасидан брифинг бўлиб ўтмоқда. Ушбу лавозимга тайинланган доктор Клюге офис раҳбари сифатидаги бошқа давлатлар орасидан биринчи бўлиб Ўзбекистонни танлади.
Юқори даражадаги меҳмон келгусида Ўзбекистон билан тиббиётнинг барча соҳаларида хамкорлик қилишга ва қўллаб кувватлашга тайёр эканлигини таъкидлаб ўтди. Тадбир давом этмокда.
→
01 февраль 2020, кўрилган: 564
ЮРТИМИЗГА КОРОНАВИРУС ИНФЕКЦИЯСИ КИРИБ КЕЛИШИНИНГ ОЛДИНИ ОЛИШ ЧОРАЛАРИ ЯНАДА КУЧАЙТИРИЛАДИАйни пайтда дунёда коронавирус инфекциясини худудларга тарқалиши, ундан касалланиш ва вафот этаётганлар кўрсаткичи жиҳатидан жиддий босқичга кўтарилмоқда. Хабарингиз бор, Жаҳон соғлиқни сақлаш ташкилоти (ЖССТ) томонидан Хитойда янги коронавирус тарқалиши билан боғлиқ вазиятни аҳоли соғлиғини сақлаш соҳасидаги халқаро даражадаги фавқулодда вазият деб эълон қилинди. Бундан бир муддат олдин Ўзбекистон Республикаси Вазирлар Маҳкамасида Эпидемияга қарши кураш фавқулодда комиссиясининг йиғилиши ўтказилган бўлса, шу йилнинг 29-январида давлатимиз раҳбарининг " Ўзбекистон Республикасига коронавируснинг янги тури кириб келиши ва тарқалишини олдини олиш юзасидан чора- тадбирлар дастурини тайёрлаш бўйича республика махсус комиссиясининг ташкил этиш тўғрисида” ги Фармойиши қабул қилинди.
Бугун республика Соғлиқни сақлаш вазирлиги айни масалада ЖССТнинг мамлакатимиздаги ваколатхонаси билан ҳамкорликда видеоселектор йиғилишини ўтказди. Уни Соғлиқни сақлаш вазири Алишер Шадманов олиб борди.
Унда қайд этилганидек, Соғлиқни сақлаш вазирлиги Хитойдаги эпидемик вазиятдан келиб чиққан ҳолда юртимиз ҳудудига коронавирус инфекциясининг кириб келиши ва тарқалишининг олдини олиш борасида Жаҳон соғлиқни сақлаш ташкилоти билан узлуксиз ишлаётганлиги, ҳамкорликда барча зарур чора-тадбирлар амалга оширилмоқда. Хусусан, ҳаво, автомобиль ва темир йўл транспорти объектларида санитария-эпидемиология ва миграция назорати кучайтирилмоқда. Бу борада қўлланма ва тавсиялар ишлаб чиқилиб, барча тегишли вазирлик ва идораларга ижро учун юборилди. Туну кун фаолият кўрсатувчи махсус штаб фаолияти йўлга қўйилди. Касалликка гумон қилинган фуқароларни ихтисослаштирилган даволаш муассасаларида чуқурлаштирилган тиббий текширувдан ўтказилмоқда.
Мамлакатимизда Давлат чегараларининг кесишиш жойларида 52 та санитария-карантин пунктлари фаолият кўрсатмоқда. Давлат чегара постларидан ўтаётган фуқаролар тиббий назорат кўригидан ўтказилмоқда, шунингдек, тепловизор ёрдамида йўловчиларнинг тана ҳарорати масофадан туриб ўлчанмоқда ва умумий ҳолати текширилмоқда.
Аммо ушбу чора-тадбирлар хавфсизликни тўлиқ кафолатлайди дегани эмас, дея қайд этилди видеоселекторда. Негаки, коронавирус инфекцияси ҳаво томчилари орқали ўтиши, инсондан инсонга юқиши, шунингдек, касалликни клиник белгилари 14 кунгача яширин кечиши хотиржам бўлишга сабаб бўлмаслигига эътибор қаратилди. Қолаверса, бугунгача 20 га яқин тиббиёти ривожланган мамлакатда бу касаллик кузатилаётганлиги вазиятнинг нақадар жиддийлигини кўрсатиб турибди.
Шу боис ҳам, бўлиб ўтган видеоселекторда айни пайтга қадар юртимизда бундай касалликка чалиниш ҳолати умуман кузатилмаганлигига қарамасдан эҳтиёт чораларини янада кучайтириш борасида мутасаддиларга аниқ топшириқлар берилди. Жумладан, хориждан, айниқса, Хитойдан келаётган фуқароларни тиббий кўрикдан ўтказиш, уларнинг руйхатини шакллантириш, касалликнинг яширин даври давомида тиббий назоратга олиш, заҳира ўринларини тайёрлаш, дори-дармон, дизенфекция воситалари ва зарур тиббий анжомлар билан таъминлаш устидан назоратни янада кучайтириш, касалликка қарши курашишда тегишли вазирлик ва идоралар билан ҳамкорликдаги фаолиятни кучайтириш каби қатор вазифалар кўрсатиб ўтилди.
01 февраль 2020, кўрилган: 549
Бугун вилоят соғлиқни сақлаш бошқармаси бошлиғи Ф. Гафаров коронавирус инфекцияси бўйича йиғилиш ўтказди. Унда вилоятдаги барча даволаш профилактика муассасалари раҳбарлари иштирок этди. Йиғилишда бошқарма бошлиғи томонидан касаллик тарқалишининг олдини олиш, унга қарши курашиш борасида мутасадди ташкилот раҳбарларига турли кўрсатма ва топшириқлар берилди.Хусусан бундай касалликка чалиниш ҳолати умуман кузатилмаганлигига қарамасдан эҳтиёт чораларини янада кучайтириш лозимлиги таъкидланди.
Жумладан, хориждан, айниқса, Хитойдан келаётган фуқароларни тиббий кўрикдан ўтказиш, уларнинг рўйхатини шакллантириш, касалликнинг яширин даври давомида уларни тиббий назоратга олиш, заҳира ўринларини тайёрлаш, дори-дармон, дизенфекция воситалари ва зарур тиббий анжомлар билан таъминлаш, касалликка қарши курашишда тегишли идоралар билан ҳамкорликдаги фаолиятни кучайтириш каби қатор вазифалар топширилди.
30 январь 2020, кўрилган: 571
Вилоят соғлиқни сақлаш бошқармаси бошлиғи Фарход Гафаров бошқарма ҳамда даволаш профилактика муассасалари Ахборот хизмати ходимлари билан учрашди
