Навоий вилоят соғлиқни сақлаш бошқармаси » Янгиликлар » Патронаж ойлиги

МАҚСАД ИНСОН САЛОМАТЛИГИНИ АСРАШ
Мамлакатимизда соғлиқни сақлаш тизимида олиб борилаётган изчил ислоҳотлар самарасида тиббиёт муассасаларининг моддий-техник базаси мус-таҳкамланиб, аҳолига малакали тиббий хизмат кўрсатилмоқда. Айниқса, “Соғлом она ва бола йили”да аҳоли, оналар ва болалар саломатлигини доимий назорат қилиш, патронаж хизматларини янада ривожлантириш борасида тизимли ишлар амалга оширилаётир.
Шу мақсадда Соғликни сақлаш вазирининг 2016 йил 17 ноябрдаги 492-сонли буйруғи асосида 2016 йил 18 ноябрдан 18 декабрга қадар ҳудудлардаги бирламчи тиббий-профилактика муассасаларида патронаж ойлиги эълон қилинди. Унда вилоят бўйича 2006 нафар тиббий ходим иштирок этмоқда. Бугунги кунга қадар 61441 та хонадон, 5925 нафар ўзгалар парваришига муҳтож ёлғизлар ва қариялар, 6246 нафар ёш оила, 29532 нафар фертил ёшдаги аёллар, 5999 нафар ҳомиладор аёллар 31322 нафар 1 ёшгача бўлган болалар, 1367 нафар ногирон болалар патронаж билан қамраб олинди. Шунингдек, 2165 нафар фертил ёшидаги аёлларга контрасепия воситалари берилди.
Мазкур ойликни ўтказиш доирасида кенг омма орасида касалликларни олдини олиш чоралари ва соғлом турмуш тарзи асослари юзасидан тарғибот ишлар олиб борилади.

 Агарда Сиз мақолада хатони учратган бўлсангиз, унда матнни белгилаб, CTRL + ENTER  тугмасини босинг ва сайт маъмурига хабарнома жўнатинг.