16 июнь 2015, кўрилган: 1448
Тендер(танлов) бўйича эълон матниФармацевтик фаолият билан шуғулланувчи ишлаб чиқарувчи корхоналар, фирма ва компаниялар диққатига!
НАВОИЙ ВИЛОЯТ СОҒЛИҚНИ САҚЛАШ БОШҚАРМАСИ
томонидан қишлоқ врачлик пунктлари учун зарурий дори воситалари, тиббий буюмлар ва реактивларни марказлашган ҳолда сотиб олиш учун
ТЕНДЕР (ТАНЛОВ) САВДОЛАРИ ЭЪЛОН ҚИЛАДИ.
Тендер(танлов)да қўйиладиган шартларни бажарган, тендер асосида харид қилинадиган маҳсулотнинг тегишли ҳажмларини етказиб бериш тажрибасига эга бўлган фармацевтика маҳсулотларини ишлаб чиқарувчи корхоналар ва улгуржи фармацевтик ташкилотлар қатнашишлари мумкин.
Мамлакатимиз корхоналари ишлаб чиқарувчилари учун Ўзбекистон Республикасининг амалдаги қонунчилигига асосан нарх преференциялари берилади.
Тендер комиссияси ишчи органининг номи ва манзили:
Навоий вилоят соғлиқни сақлаш бошқармаси, Навоий шаҳар, Толстой кўчаси 18а, почта индекси: 210100, тел: (0-436)-225-12-24, 225-40-03, факс:(0-436)- 225-43-00 электрон почта: x.yuldashev@ssb.uz, navoiy@ssb.uz
Банк реквизитлари:
ИНН 2000061 44 ОКОНХ 97400 Республика Ғазначилиги ИНН 201122919
р/с 23402000300100001010 Марказий банк Тошкент ш МФО 00014
ШХР 400121860124017950100054021
Тендер (танлов) предмети
Дори воситалари, тиббий буюмлар, ва реактивлар
Харид қилинаётган маҳсулотларнинг максимал нархи ва тўлов шартлари тендер ҳужжатларида акс эттирилади.
Етказиб бериш шартлари
Барча етказиб берувчилар учун: Навоий вилоят соғлиқни сақлаш бошқармасига маҳсулотлар етказиб берилиши шарт.
Етказиб бериш муддатлари тендер савдолари ва тендер ҳужжатларидаги маълумотларда берилади.
Тендер (танлов) бошлангунга қадар вилоят тендер комиссияси томонидан тендер савдоларида иштирок этиш истагидаги талабгор фирма ва корхоналарни малакавий танлови ўтказилади.
Тендер (танлов) ҳужжатларини сотиб олиш баҳоси 150 000 ва закалат сумма (тендер таклифи кафолати) миқдори шартнома миқдорига қараб 2 500 000 сўмдан 44 287 000 сўмгача бўлиб, тендер (танлов) ҳужжатлари ва закалат тўлови пул ўтказиш йўли билан Навоий вилоят соғлиқни сақлаш бошқармасининг махсус ҳисоб рақамига ўтказилади.
Тендер (танлов) таклифларини қабул қилишнинг охирги муддати - 2015 йил 25 июль соат 17 00 гача қабул қилинади.
Тендер (танлов) савдоси бўйича қўшимча маълумот олиш учун вилоят соғлиқни сақлаш бошқармасига мурожаат этишингиз мумкин.
→
13 июнь 2015, кўрилган: 1359
Ўзбекистонда ҳукуматнинг дори воситаларига ва тиббиёт буюмларига қўйиладиган устама нархни пасайтиришга қаратилган қарори ишлаб чиқилмоқда.Соғлиқни сақлаш муассасалари ва дорихона тармоқлари орқали реализация қилинадиган дори воситалари ва тиббиёт буюмлари нархларининг ягона стандарти 1999 йилнинг февралидан кучга кирган. Бугунг кунда бундай маҳсулотлар ҳам улгуржи, ҳам чакан тармоқлар орқали келишилган нархлар асосида реализация қилинади. Орада қанча воситачи бўлишидан қатъий назар, уларга аниқ белгиланган миқдорда устама ҳақлари қўйилади: улгуржи савдода 20 фоизгача, чакана савдода 25 фоизгача.
2015 йилнинг 1 августидан дори воситаларига ва тиббиёт буюмларига қўйиладиган устама нархларни аниқлашнинг ягона тартиби кучга киритилиши режалаштирилмоқда. Орадаги воситачиларнинг умумий миқдоридан қатъий назар, бундай турдаги маҳсулотлар улгуржи савдода 10 фоизгача, чакана савдода эса 20 фоизгача устама билан сотилади.
“Фармацевтика фаолиятини ҳамда доривор воситалар ва тиббиёт буюмларининг нархларини шакллантиришни тартибга солиш бўйича чора-тадбирлар тўғрисида”ги қарор матнида бундай фоизлар қандай нархлар устидан қўйилиши аниқ белгилаб берилган.
Манба: kun.uz →
12 июнь 2015, кўрилган: 1593
14 июнь — Халқаро донорлар куниҚалбида эзгуликлар билан яшайдиган инсон доимо яхшиликлар қилишга интилиб яшайди. Айниқса, қилаётган бу хайрли амалларимиз кимнингдир соғлиғини сақлашга, ҳаётини узайтиришга кўмак берса-чи? Ўйлаймизки, киши учун бундан ортиқ бахт топилмаса керак. Донорларни ана шундай беғараз ёрдам кўрсатувчи эзгу-ниятли инсонлар дейиш мумкин.
Таъкидлаш жоизки, бугунги кунда мамлакатимизда беғараз донорлик ва уни ривожлантиришга катта эътибор қаратилмоқда. Жумладан, ўтган йиллар давомида “Қон ва унинг таркибий қисмлари донорлиги тўғрисида”ги Қонунга мувофиқ, қон хизмати муассасалари фаолиятини янада такомиллаштириш, қон ва унинг таркибий қисмлари хавфсизлигини таъминлаш, шунингдек, кенг жамоатчилик орасида беғараз донорликни ривожлантиришга қаратилган қатор дастурлар ишлаб чиқилиб, ҳаётга татбиқ этилаётир. Бинобарин, меҳнат жамоалари, олий ўқув юртларида қон ва қон маҳсулотларининг қандай хасталикларда қўлланилиши, донорликнинг организм учун фойдали жиҳатлари, ўз навбатида донорнинг саломатлиги билан боғлиқ маълумотлар билан таништирилмоқда.
ДАВОИМИНИ УҚИНГ →
09 июнь 2015, кўрилган: 1205
“САЛОМАТЛИК ВА СПОРТ БИЛАН ҲАМНАФАС”Шиори остида вилоят тиббиёт муассасаларида фаолият кўрсатаётган хотин-қизлар ўртасида спорт мусабақаси бўлиб ўтди. Унда туманлар ва вилоят тиббиёт муассасаларидан ташкил топган 45 та жамоа волейбол, шахмат, шашка, арқон тортиш сингари спорт мусобақаларида иштирок этишди. Спортнинг дартс тури бўйича касаба уюшмалари раислари ўзаро беллашдилар.
Кескин курашлар остида ўтган Ўзекистон касаба уюшмалари Федерацияси вилоят Кенгаши томонидан ташкиллаштирилган ушбу спартакиадада шаҳар тиббиёт бирлашмамиз жамоси, айниқса волейболчи қизлар фаол қатнашди. Улар спортнинг волейбол тури бўйича ғолиблик шоҳсупасининг юқори поғонасини эгаллашиб, республика босқичига йўлланма олишди.
Спартакида ғолиблари касаба уюшмаси кенгаши томонидан таъсис этилган эсдалик совғалари ва диплоплари билан тақдирланишди. →
04 июнь 2015, кўрилган: 1525
Жорий йилнинг 29 май куни Навоий шаҳрида Ўзбекистон Республикаси Олий Мажлиси Қонунчилик палатаси Экоҳаракат депутатлар гуруҳи, Ўзбекистон экологик ҳаракати вилоят ҳудудий бўлинмаси, Фуқаролик жамияти шаклланишини мониторинг қилиш мустақил институти вилоят бўлинмаси ҳамкорлигида “Атроф муҳитни муҳофаза қилиш ва жойларда жамоатчилик назоратини амалга оширишда аҳоли фаоллигини кучайтиришда фуқаролик жамияти институтларининг роли “ мавзусида семинар ташкил этилди. Унда Олий Мажлис Қонунчилик палатаси депутатлари, Экоҳаракат фаоллари, Фуқаролик жамиятини шаклланишини мониторинг қилиш мустақил институти вилоят ҳудудий бўлинмаси ходимлари, вилоят табиатни муҳофаза қилиш қўмитаси мутахассислари, тиббиёт соҳасида фаолият олиб бораётган нодавлат нотижорат ташкилотлари ва оммавий ахборот воситалари ходимлари иштирок этишди.ДАВОМИНИ УҚИНГ →
04 июнь 2015, кўрилган: 1282
Мамлакатимизда истиқлол тантана қилгач, миллий қадриятларимиз қайта тикланди, жаҳон цвилизациясига муносиб хизмати сингган буюк алломалар, шоиру бахшиларнинг маданий бой мероси чуқур ўрганила бошланди ва уларнинг қадамжолари таъмирланди, янгидан бунёд этилди. Ана шундай эзгу ишлардан бири - Хатирчи туманидаги тоғлар бағрида жойлашган, сўлим Олтинсой қишлоғида яшаб, ижод қилиб ўтган, халқ бахти-иқболи, она-Заминни достонларида мадҳ этган бахши-шоир Муҳаммад Жомурод ўғли Пўлкан (1874 – 1941)нинг ёдгорлик мажмуасида бахши хотирасига бағишланган катта тадбир бўлиб ўтди. Шуни алоҳида таъкидлаш керакки, вилоят ҳокимининг ташкилотчилиги ва маҳаллий тадбиркорларнинг ташаббускорлиги туфайли бахши хотира майдони қайта таъмирланиб, обод этилди.Тадбирда иштирок этган вилоят ҳокими Э. Турдимов Пўлканнинг ижоди ва фаолияти ҳақида қисқача сўзлади.
Шунингдек тадбирда республикамизнинг барча вилоятларидан бахши шоирлар, санъаткорлар, кўплаб ижодкорлар қатнашди. Нурота, Кармана, Қизилтепа ва Хатирчи туманлари фольклор ансамблларининг, Сурхондарё, Қашқадарё, Самарқанд вилоятларидан ташриф буюрган бахшиларнинг чиқишлари тадбирга янада файз киритди, иштирокчиларда катта таассурот қолдирди.
→
03 июнь 2015, кўрилган: 1524
Жахон Иқтисодиёти ва Дипломатияси Университетининг Бошқарув институтида жорий йилнинг 8 июнидан 20 майига қадар раҳбар ходимлар ва бош иқтисодчилар учун “Бозор иқтисодиёти асослари ва бошқарув” мавзусида ва 22 июндан 4 июлгача “Кадрлар бўлимининг ҳуқуқий асослари” мавзусида малака ошириш курслари ташкил этилиши режалаштирилган.Шу муносабат билан, малака ошириш истагини билдирган ходимлар жорий йилнинг 4 июнига қадар Жахон Иқтисодиёти ва Дипломатияси Университети Бошқарув институтининг 0-371-267-64-81 телефон рақами билан боғланишлари сўралади.
→