06 октябрь 2015, кўрилган: 1628
Шу йилнинг 30 сентябрь куни Ўзбекистон Миллий матбуот марказида республика Соғлиқни сақлаш вазирлиги томонидан “Ўзбекистон урологияси: ушбу йўналишда белгиланган устувор вазифалар ва бу борада эришилаётган натижалар” мавзуидаги навбатдаги матбуот анжуманиўтказилди.Унда таъкидланганидек, мамлакатимизда эл соғлиғи муҳофазасига эътибор масаласи устувор аҳамият касб этади. Бугунги кунда тиббиёт тизимида амалга оширилаётган изчил чора-тадбирлар натижасида энг замонавий даволаш-ташхис ускуналари билан жиҳозланган шифо масканлари барпо этилиб, тиббий хизмат сифати тобора такомиллаштириб борилмоқда. Айниқса, жойларда ихтисослаштирилган илмий-амалий тиббиёт марказлари фаолияти йўлга қўйилиб, ушбу муассасалар жаҳон андозаларига мос шарт-шароитлар билан тўлиқ таъминланганлиги боис кўплаб оғир хасталикларнинг олдини олиш, шунингдек, касалликни барвақт аниқлаш ва уни ўз вақтида самарали даволашга эришилаётир.
Масалан, яқин-яқингача “Урология йўналишида энг мураккаб касалликларни ҳам самарали даволай олиш имкониятига эга давлатлар қайси?” деган савол ўртага ташланса, бу борада Германия, Италия ва АҚШ етакчи сифатида тилга олинарди. Бизга алоҳида фахр бағишлайдиган жиҳати, бугун улар қаторида Ўзбекистон номи ҳам ҳақли равишда эътироф этилмоқда. Сабаби, илғор мамлакатлар тиббиётида жорий қилинган даволашнинг деярли барча замонавий усуллари эндиликда ўзимизда ҳам мавжуд.
ДАВОМИНИ УҚИНГ →
28 сентябрь 2015, кўрилган: 1279
Барчамизга маълумки, 2015 йил 29 августда Ўзбекистон Республикаси Вазирлар Маҳкамасининг «2015-2020 йиллар даврида Ўзбекистон Республикаси аҳолисининг соғлом овқатланишини таъминлаш Концепциясини ва чора – тадбирлар комплексини тасдиқлаш тўғрисида “ги Қ-251-сонли қарори эълон қилинган эди. Мазкур қарорда овқатланиш билан боғлиқ касалликларнинг олдини олиш ва улар тарқалиши даражасини пасайтириш, соғлом овқатланишга доир кенг тушунтириш ишлари олиб борилишини ташкил этиш ва шу жумладан оммавий ахборот воситаларидан фаол фойдаланган ҳолда соғлом овқатланишни тарғиб қилишни кучайтириш кўзда тутилган. Шунингдек, таълим ва тиббиёт муассасаларида ташкил этилган болалар жамоалари овқатланиши рационини яхшилаш, Ўзбекистон Республикаси ҳудудида ишлаб чиқариладиган ва чет элдан етказиб бериладиган озиқ-овқат маҳсулотлари ва озиқ-овқат хом ашёси сифатини назорат қилишнинг таъсирчан механизмларини жорий этиш белгилаб берилган.
2015-2020 йиллар даврида Ўзбекистон Республикаси аҳолисининг соғлом овқатланишини таъминлаш Концепцияси 5 бўлимдан иборат этиб белгиланди:
ДАВОМИНИ УҚИНГ →
28 сентябрь 2015, кўрилган: 1625
Президентимизнинг 2015 йил 7 июлдаги “Республика иқтисодиёти тармоқдари ва ижтимоий соҳаларини 2015-2016 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида”ги қарори ижросини таъминлаш мақсадида вилоятимизда ижтимоий соҳа объектлари, уй-жой фонди ва муҳандислик коммуникацияларини 2015-2016 йиллар куз-қиш мавсуми давомида барқарор ишлашини таъминлаш мақсадида бир қатор ишлар амалга оширилди. Жумладан, бугунги кунгача 331 та кўп қаватли уй тўлиқ жорий таъмирланиб, белгиланган режа ортиғи билан бажарилди. Муҳандислик коммуникациялари доирасида 0,5 км газ қувурлари, 4,6 км иссиқлик, 1072,2 км электр тармоқлари, 225 татрансформатор, 3,5 км сув тармоқлари мукаммал таъмирланди ва ушбу тармоқларда жорий таъмирлаш ишлари ниҳоясига етказилмоқда.Шу билан бир қаторда 2 та касалхона, 7 та даволаш профилактика муассасаи, 5 та “Меҳрибонлик” уйи ва интернатлар, 17 та мактабгача таълим муассасаси мукаммал ва жорий таъмирланди. Табиий газ билан таъминланмаган узоқ чўл ҳудудлари ҳамда таббий газ танқислиги кутилаётган аҳоли пунктларидаги ижтимоий соҳа объектлари, аҳоли истеъмолчилари учун 29,6 минг тонна кўмир ёқилғиси жамғариш белгиланган ва бу борада изчил иш олиб бориляпти. Шунингдек, халқ таълими ва соғлиқни сақлаш тизими муассасалари юз фоиз ёқилғи билан таъминланди...
Бу ҳақда яқинда “Матбуот” уйида бўлиб ўтган матбуот анжуманида иштирок этган вилоят ҳокимлиги капитал қурилиш, коммуникациялар, коммунал хўжалик ва ободонлаштириш котибияти мудири Акбар Ниёзов, вилоят ҳокимлиги уй-жой коммунал хўжалиги соҳасида ислоҳотларни амалга ошириш департаменти бўлим бошлиғи Муяссарбек Сафаров ва “Ғарбгазтаъминот” корхонаси вилоят филиали, вилоят электр тармоқлари корхонаси, вилоят соғлиқни сақлаш, халқ таълими бошқармаси мутахассислари журналистларга батафсил ахборот бердилар.
Матбуот анжуманини вилоят ҳокимининг матбуот котиби-ахборот хизмати раҳбари Отабек Аслонов олиб борди.
2015-2016 йиллар куз-қиш мавсумига тайёргарликнинг бориши, белгиланган тадбирларнинг бажарилиши ва бу борада амалга оширилган ишлар натижадорлиги мавзусида ўтган ушбу анжуманда журналистлар кўплаб саволлари билан фаол иштирок этдилар. →
21 сентябрь 2015, кўрилган: 1590
Мамлакатимиз мустақиллигининг 24 йиллиги тантаналари дилларга қувонч бахшида этиб, янгидан-янги муваффақиятлар сари илҳомлантираётган лаҳзаларда Навоий шаҳридаги 17-кичик ҳудуд аҳолиси яна бир қулайликка эга бўлди. Мослаштирилган бинода фаолият олиб борган Навоий шаҳар тиббиёт бирлашмаси 4-сонли оилавий поликлиникаси учун барча қулайликларга эга, тиббий жиҳозлар билан таъминланган 250 қатновга мўлжалланган янги кўркам бинода фойдаланишга топширилди.Соғлиқни сақлаш вазирлигининг 2015 йилги Инвестиция дастурига киритилган ушбу бино 2 миллиард 372 миллион сўм маблағ эвазига қад ростлади. Бу ерда ҳудуднинг “Хончарбоғ”, “Матонат”, “Меъморлар” маҳаллаларида истиқомат қилаётган 37 минг 126 нафар аҳолисига тиббий хизмат кўрсатилади.
Қурилишни белгиланган муддатда қуриб битказилишида “Горняк извест” масъулияти чекланган жамияти қурувчиларининг хизмати катта бўлди. Улар сифат ва самарадорликка алоҳида эътибор қаратганликларини тилга олиб ўтиш ўринлидир.
→
21 сентябрь 2015, кўрилган: 1265
Республикамизда қурбон ҳайитини нишонлаш тўғрисида Президент қарори эълон қилиндиҚарорга мувофиқ Ўзбекистон мусулмонлари идорасининг жорий йилда Қурбон ҳайитининг биринчи куни 24 сентябрь пайшанба кунига тўғри келиши ҳақидаги мурожаатини инобатга олиб, 2015 йил 24 сентябрь мамлакатимизда дам олиш куни деб белгилансин ва байрам сифатида кенг нишонланиши белгиланди.
Шунингдек Қарорга мувофия Республика “Нуроний”, “Маҳалла” жамғармалари ва бошқа барча мутасадди идоралар, жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга оширилиши белгиланди.
→
18 сентябрь 2015, кўрилган: 1365
"Соғлом авлод учун" халқаро хайрия фонди жисмонан бақувват, маънан етук,руҳан тетик фарзандларни тарбиялашда, оналик ва болаликни муҳофаза қилиш, "Соғлом авлод" ҳаракатини ривожлантириш мақсадида, хорижий ҳамкор ташкилотлар билан бирга қатор тадбирларни ўтказиб келмоқда.Ўзбекистон Республикаси Вазирлар Маҳкамасининг 2015 йил 2 сентябрда тасдиқланган 10/1-3331-сонли ташриф Дастури асосида 2015 йилнинг 6-13 сентябрь кунлари Корея Республикасининг Ин Ха университети госпитали малакали шифокорларидан кардиолог, педиатр, офтальмолог, ортопед, фармацевт ва бошқа мутахассислар республикамизнинг бир қанча ҳудудлари, жумладан, вилоятимизда ҳам бўлишди. Халқаро аэропорт биносида икки кун давомида аҳоли умумий чуқурлаштирилган тиббий кўрикдан ўтказилди.
— Навоий шаҳрига учинчи бор келишим, — дейди кардиолог шифокор, 20 йиллик иштажрибасига эга R. Woo, Seon Lii. — Тиббий кўрик якунлари юртимизга бориб ўрганиб чиқилади, жарроҳлик амалиёти ўтказиш учун баъзи беморлар Кореяга таклиф этилади.Ўтган йилларда юрак пароги билан оғриган Маржона исмли қизни оёққа турғиздик. Ҳозирда у тамомила соғайиб, шифо топган, коллежда таҳсил олаяпти. Ўзбекистонлик врачлар билан олиб борилаётган касбий ҳамкорлигимиз ана шундай ижобий натижалар бераётгани қувонарли ҳол.
— Юртимизда кексаларнинг саломатлигини тиклаш, санаторийларда, соғлом лаштириш масканларида дам олдириш каби хайрли ишларнинг мунтазам йўлга қўйилгани,Ҳукуматимиз томонидан биз катта авлод вакилларига кўрсатилаётган чексиз ғамхўрлик ва эътибор намунасидир, дейди, Зарафшон шаҳри дан келган Алишер Убайдуллаев. Тиббий кўрик ташкилотчилари томонидан хайрия асосида 100 турга яқин дори-дармон ва малҳамлар олиб келинган экан. Уларнинг бепул тарқатилаётгани бизга яна бир енгиллик бўлди.
Ўзбекистонга биринчи бор келишим, дейди яна бир суҳбатдошимиз, кореялик педиатр Lee Sang Heon. Мен буюк саркарда Амир Темур юртини кўришни орзу қилардим. Мақсадимга етдим. Ўзбекона ош билан сийлашди. Кичкинтой болакайларни тиббий кўрикдан ўтказиш баробарида бу юртнинг энг чиройли жойларини томоша қилдим, бир олам таассуротлар билан юртимга қайтаман. Бу сафар биз учун нафақат ижтимоий ҳамкорлик, балки ўзига хос ижобий тафсилотларга эга унутилмас саёҳат бўлди, десак, тўғри роқ бўлади.
Маълумот ўрнида айтиб ўтиш жоизки, ҳар йили Корея Республикасининг Ин Ха университети госпитали малакали шифокорлари юртимизга ташриф буюриб, жами 1000 нафар дан ортиқ аҳолини, асосан аёллар ва болаларни чу қурлаштирилган тиббий кўрикдан ўтказишган. Мазкур анъана 2011 йилдан буён давом этиб келмоқда. →
18 сентябрь 2015, кўрилган: 1329
“Ўзэкспомарказ”да ахборот-коммуникация технологиялари ҳафталиги доирасида ўтказилаётган анъанавий “ICTExpo – 2015” ахборот технологиялари миллий кўргазмаси очилди. Кўргазманинг очилиш маросимида Ўзбекистон Республикаси ахборот технологиялари ва коммуникацияларини ривожлантириш вазири Х.Мирзоҳидов ва бошқалар ахборот-коммуникация технологиялари кенг жорий этилаётгани, жумладан, “Электрон ҳукумат” тизими ривожлантирилаётгани мамлакатимиз иқтисодий салоҳиятини ошириш ва ижтимоий-иқтисодий тараққий эттиришнинг муҳим омили эканини таъкидлади.
Президентимиз Ислом Каримов томонидан соҳани ривожлантиришга қаратилаётган доимий эътибор мамлакатимизда ахборот-коммуникация технологияларини жадал ривожлантириш имконини бермоқда. Бу борада шакллантирилган қонунчилик базаси ишлаб чиқарувчилар ҳуқуқ ва манфаатларини ҳар томонлама қўллаб-қувватлашга кўмаклашмоқда. Давлатимиз раҳбарининг 2013 йил 27 июндаги “Ўзбекистон Республикасининг миллий ахборот-коммуникация тизимини янада ривожлантириш чора-тадбирлари тўғрисида”ги қарори бунда муҳим дастуриламал бўлиб хизмат қилаётир.
Бу йил «ICTExpo – 2015» миллий кўргазмаси Тошкент ахборот технологиялари университетининг Самарқанд филиалида ҳам ўтказилмоқда. Видеокўприк тарзида ташкил этилган тадбир кўргазмага ташриф буюрувчиларга ҳар икки кўргазма экспонатлари билан танишиш имконини берди.
ДАВОМИНИ УҚИНГ →
31 август 2015, кўрилган: 2979
Бетакроримсан, ягонасан, она-Ватаним – Ўзбекистоним!Истиқлол байрамингиз муборак, азиз юртдошлар!
Азиз тиббиёт ходимлари, юртдошлар!
Она-юртимизда энг улуғ, энг азиз байрам бўлган Ватанимиз мустақиллигининг 24 йиллик куни катта шодиёналик билан қаршиланмоқда. эрку озодлигимизни, бахту иқболимизни, фаровон хаётимизни ўзида мужассам этган ана шу қутлуқ айём билан барчангизни самимий қутлайман.
Ўтган ана шу қисқа фурсатда мамлакатимизда эришилган юксак муваффақиятларни, оламшумул янгиликларни таърифлашга тил ожиз. Буни кўриб билиб турибмиз. Барчаси мустақиллик шарофати, ҳукуматимизнинг оқилона сиёсати, халқимизнинг матонатли меҳнати маҳсулидир.Биргина вилоятимиз тиббиётига назар ташласак 90-йиллардаги тиббиётдан асар ҳам қолмаганини, барча тиббий иншоотлар янги замон талабига жавоб берадиган даражада янгидан қурилди, жиҳозланди, энг ноёб таббий ускуналар билан таъминланди, тиббиёт ходимлари чет элларда малакасини ошириш имкониятига эга бўлди. Шу билан бирга маҳаллий шароитларда аҳоли саломатлигини муҳофаза қилишга қаратилган даволаш усуллари, услублари жорий қилинди, ихтисослашган муассасалар фаолияти кенгайтирилди.Умуман халққа сифатли ва самарали тиббий хизмат йўлга қўйилди. Бу мамлакатимизда соғлиқни сақлаш тизимини жадал ривожлантиришга алоҳида эътибор қаратилаётганининг, узоқ мақсадлар кўзда тутилган ислоҳотларнинг ҳаётга чуқур татбиқ этилаётганининг асл мевасидир.
Биргина шу йил амалгга оширилган ишларга бир назар ташлайлик. “Кексаларни эъзозлаш йили” Давлат дастури ижросини таъминлаш мақсадида вилоят соғлиқни сақлаш бошқармаси тизимида аниқ чора-тадбирлар режаси асосида иш юритилди. Асосий эътибор давлатимиз равнақи йўлида бор куч-билимини, шижоатли меҳнатини сарфлаган ҳурматли ёши улуғ, кексаларимизнинг саломатлигини муҳофаза қилишга қаратилди. Ана шу йўналишда ўтган ярим йилда вилоят соғлиқни сақлаш бошқармаси томонидан ташкиллаштирилган тор соҳа мутахассислари иштирокида чуқурлаштирилган тиббий кўриклар ташкил этилди.
2165 нафар уруш қатнашчиси ва меҳнати фронти фахрийларининг1259 нафари амбулатор, 96 нафари стационар ва 810 нафари уй шароитида соғломлаштирилди. Сурункали касалликка чалинган кексаларнинг 1254 нафари даврий диспансер кўригидан ўтказилди ва керакли тавсиялар берилди.
Навоий вилоят соғлиқни сақлаш
бошқармаси бошлиғи Ф.Р.Усмонов →
27 август 2015, кўрилган: 1225
Ўзбекистон Республикаси мустақиллигининг 24 йиллигини муносиб кутиб олишга бел боғлаган юртдошларимиз эзгу мақсад йўлида яна бир хайрли ишни амалга оширдилар. 22-23 август кунлари ўтказилган умумхалқ хайрия ҳашарида узоқ тарихни ўзида мужассам қилган боқий қадриятлар, анъаналар яна бир карра аҳиллик, ҳамижиҳатлик, меҳр-оқибат хислатларини намоён қилди. Кексаларни эъзозлаш йили Давлат дастури доирасида олиб борилаётган савоб юмушларнинг узвий давоми ҳисобланган ушбу тадбирда вилоят соғлиқни сақлаш бошқармаси даволаш профилактика муассасаларидан тўққиз ярим минг нафардан ортиқ тиббиёт ходими иштирок этди. Хайрия ҳашарининг эътиборли жиҳатидан яна бири бу хайрли ишда етти минг нафардан ортиқ ёш фаоллик кўрсатди. Натижада ҳудудлардан маиший чиқиндилар чиқариб ташланди, минглаб дарахтлар оқланиб, шакл берилди, ариқлар қазилди, бардюрлар оқланди, майдонларда ободончилик ишлари олиб борилди. Хайрия ҳашари ҳақиқий меҳнат байрамига айланди.
Юртимизнинг файзу ободлиги йўлида кўтаринки руҳда ўтказилган ушбу хайрия ҳашаридан тушган маблағ халқимизнинг турмуш фаровонлигини оширишга, хайрли ва эзгу ишларга сарфланади.
→
19 август 2015, кўрилган: 1687
Имтиҳон натижалари эртага эълон қилиниши кутилмоқда. Бугун Давлат тест маркази 1 август куни Ўзбекистон олий ўқув юртларига кириш учун топширилган имтиҳон натижаларини олийгоҳларнинг тегишли комиссияларига етказади.Учта университетдаги манбаларимизнинг гувоҳлик беришича, айни пайтда натижалар олийгоҳларнинг қабул комиссияларига тақдим этилмоқда, улар эртага эълон қилиниши ва стендларга осилиши кутилмоқда.
Эслатиб ўтамиз, 1 август куни имтиҳон топширган абитуриентлар тўплаган балларини, талабаликка тавсия этилганлиги ёки этилмаганлигини ҳамда ўқиш давлат гранти ёки тўлов-контракт асосида эканлигини билиш учун UCell ва UzMobile мобил компанияларига уланган телефонлар орқали 5100 рақамига жавоблар варақаси рақамини SMS-хабар шаклида жўнатиши ҳамда натижаларни Ўзбекистон Республикаси таълим муассасаларига қабул қилиш бўйича Давлат комиссиясининг қарори чиққандан кейин билиб олиши мумкин бўлади.
5100 рақамига жўнатилган барча SMS-хабарлар бепул, 5101 рақамидан келган барча SMS-хабарлар нархи 0.75 долларни ташкил қилади.
Эслатиб ўтамиз, 18 август куни 2015/16 йилги ўқув йили учун Олий таълим муассасаларида тўлов-контракт асосида ўқишга тавсия қилинган абитуриентларнинг ўқиш учун тўлайдиган қийматлари белгилангани, унга кўра олий таълим муассасаларида контракт нархлари 15 фоизга ошгани ҳақида хабар қилинганди. →