0
14 ноябрь 2014, кўрилган: 1350
АҚШ бош жарроҳи Борис Лусняк Оқ уй учун тайёрлаган ҳисоботида чекиш туфайли келиб чиқадиган касалликлар рўйхатини расман кенгайтиришни таклиф қилди.Мутахассиснинг фикрича, бу рўйхатга диабетнинг иккинчи тури, ревматоид артрит, эректил дисфункция, жигар саратони, ичакдаги хавфли ўсмалар ва кўрликка олиб келивчи сариқ доғни ҳам киритиш керак. Америкада чекишга қарши курашнинг 50 йиллигига бағишланган ҳисоботда Борис Лусняк курашни янада кучайтириш зарурлигини уқтирган.
“Вақт кетяпти. Биз яна 50 йил кута олмаймиз”, – дейди у.
Ўтган вақт давомида кўрилган чора-тадбирлар туфайли АҚШда чекувчилар сонини 42 фоиздан 18 фоизга туширишга муваффақ бўлинди. Эндиги режа – 2020 йилгача кашандалар сонини 12 фоизга тушириш.
→
12 ноябрь 2014, кўрилган: 1339
1745 йил 13 ноябрда Францияда машҳур педагог, Париж ва Петербургда кўрлар учун бир неча мактаб ва корхоналар барпо этган Валентин Гаюи туғилган. Шунинг учун ҳам ушбу кун Кўзи ожизлар куни деб эълон қилинган.18 асргача дунёда кўрлар учун ҳеч қандай билим юртлари бўлмаган. В.Гаюи илк ўзи ўйлаб топган шрифтни намойиш этди. 1784 йили у Парижда ҳукумат ёки хартия жамиятларининг ёрдамсиз, унинг шахсий маблағига ва ўз ўрнида кўр болалар учун дунёга биринчи мактабни очди. Унинг номи “Кўр меҳнаткашлар устахонаси” эди.
Кўр болаларни ўқитиш ёки тарбиялаш масаласини В.Гаюи илмий асослаб берди. У рельеф-чизиқли “унциал” шрифтини ишлаб чиқди. Бу сўз лотинчадан келиб чиққан бўлиб, “унцияга тенг” деган маънони билдиради. Бундан ташқари В.Гаюи кўрлар учун асбоблар ясади. Бу ҳунарга у шогирдларини ҳам ўргатди. Кўрлар учун китоблар яратиш ғояси ҳам В.Гаюига тегишли.
Моддий қийинчиликларга қарамасдан В.Гаюи мактаб қошида типография қурди ва рельеф-чизиқли шрифт билан бир неча китоб чоп этди. Бу кўрлар учун энг биринчи китоблар эди.
1803 йил В.Гаюи Россия императори Алексадр I дан Санкт-Петербургда кўрлар учун ўқув-тарбия билим юртини очиш ҳақида таклиф олди. 1807 йили Алексадр I дан томонидан Санкт-Петербург кўр ишчилар институтининг Низоми, штатлари ва бюджети тасдиқланган.
→
11 ноябрь 2014, кўрилган: 1135
Эпидемияга қарши кураш бўйича Ўзбекистон Республикаси Фавқулодда комиссияси 27 октябрь куни бўлиб ўтган мажлис якунига кўра Ташқи ишлар вазирлиги ҳамда «Ўзбектуризм» миллий компаниясига Эбола вируси тарқалган мамлакатларга (ва ушбу мамлакатлардан) сайёҳлик ва бошқа сафарларни амалга оширилишини вақтинча тўхтатиш ҳақида кўрсатма берди. Бу ҳақда «Ўзбектуризм» миллий компанияси матбуот хизматига таяниб, «darakchi» хабар бермоқда.Фавқулодда комиссия томонидан сафар ва саёҳатлар чекланган мамлакатлар рўйхатига Гвинея, Сьерра-Леоне, Либерия, Конго Демократик Республикаси, Нигерия, Сенегал ва Мали киритилган.
«Ўзбектуризм» компанияси хабарида қайд этилишича, Эбола вирусининг Ўзбекистонга сайёҳлар орқали кириб келиши олдини олиш бўйича тегишли чоралар кўрилган.
Манба:darakchi.uz
→
10 ноябрь 2014, кўрилган: 1423
Мамлакатимизда аҳоли саломатлигини мустаҳкамлаш борасида улкан ишлар амалга оширилиши билан бирга тиббиёт ходимларига ғамхўрлик кўрсатилиб, уларга кенг имкониятлар яратилиб бериляпти. Бундай шарафга ноил бўлган вилоятимиз соғлиқни сақлаш тизимида меҳнат қилаётган ходимлар ўз шукроналарини баралла айтиб, касб байрамларини кўтаринки руҳда нишонладилар.Кармана шаҳридаги “Оқшом” кафесида бўлиб ўтган байрам тадбири дилларда хушнудлик, фахр-ифтихор туйғуларини жўнбушга келтирди. Тадбирда иштирок этган вилоят ҳокими Эркинжон Турдимов вилоятдаги барча тиббиёт ходимларини касб байрамлари билан самимий муборакбод этди ва соҳанинг бир гуруҳ фидойиларига вилоят ҳокимининг “Фахрий ёрлиқлари” ҳамда қимматбаҳо совғаларини топширди.
Шундан сўнг тадбир иштирокчилари вилоят маданият ва спорт ишлари бошқармаси бадиий гуруҳлари ижросидаги куй-қўшиқларни тинглаб, даврани тўлдириб, ўйнаб яйрадилар. Диллар шоду хуррамликка тўлди.
→
10 ноябрь 2014, кўрилган: 1634
Мамлакатимизда хусусий тадбиркорликка катта эътибор қаратилиши ишлаб чиқариш ва сервис хизмати кўрсатиш борасида юксак натижаларга эришилишига асос бўлмоқда. Бу тиббиёт соҳасида ҳам яққол кўзга ташланади. Тадбиркорликни ривожлантириш, унинг моддий-техника базасини мустаҳкамлаш, ходимлар салоҳиятини ошириш, замонавий тиббий асбоб-ускуналар билан таъминлаш юзасидан амалга оширилаётган ишлар ва галдаги вазифалар вилоят соғлиқни сақлаш бошқармаси мажлислар залида бўлиб ўтган семинар жараёнида атрофлича муҳокама қилинди.Семинар ишида вилоят ҳокимлиги Иқтисодиёт бошқармаси ва Ташқи-иқтисодий алоқа ва инвестиция савдо бошқармаси, Адлия бошқармаси, Савдо-саноат палатаси вилоят худудий бошқармаси; Рақобат бошқармаси давлат қўмитаси Навоий вилояти худудий бошқармаси, вилоят Давлат солиқ бошқармаси, Марказий банкнинг вилоят бошқармаси мутахассислари, вилоятда хусусий тиббий фаолият билан шуғулланадиган хўжалик юритувчи субъектлар ҳамда йирик бизнес билан шуғулланадиган тадбиркорлар, Конимех, Нурота ва Навбаҳор туман тиббиёт бирлашмалари раҳбарлари иштирок этишди.
ДАВОМИНИ УҚИНГ →
06 ноябрь 2014, кўрилган: 1529
Тошкент врачлар малакасини ошириш институтида “Шошилинч тиббий ёрдамда нур диагностикаси ва интервенцион радиология” мавзусида халқаро илмий-амалий конференция бўлиб ўтди. Ўзбекистон Республикаси Соғлиқни сақлаш вазирлиги, Республика шошилинч тиббий ёрдам илмий маркази, Ўзбекистон радиологлар уюшмаси ҳамкорлигида ташкил этилган мазкур анжуманда мамлакатимиз ҳамда АҚШ, Австрия, Бельгия, Канада, Германия, Франция, Швейцария, Италия, Нидерландия, Чехия каби давлатларнинг олим ва шифокорлари, тиббиёт йўналишидаги олий таълим масканларининг профессор-ўқитувчилари, клиник ординаторлар, магистрлар, ёш тадқиқотчилар иштирок этди.
ДАВОМИНИ УҚИНГ →
05 ноябрь 2014, кўрилган: 1431
Шу йил 5 ноябрь куни Навоий шаҳридаги “Ёшлар” марказида Шарқда “Шайхур-Раис”, Ғарбда “Авиценна” номи билан машҳур бўлган улуғ ватандошимиз, буюк мутафаккир Абу Али ибн Синонинг ҳаёти ва ижодий фаолиятини ўрганиш кўзда тутилган маънавий-маърифий конференция 15-16 май кунлари Самарқанд шаҳрида бўлиб ўтган “Ўрта асрлар шарқ алломалари ва мутафаккирларининг тарихий мероси, унинг замонавий цивилизацияси ривожидаги роли ва аҳамияти” мавзусидаги халқаро анжуманнинг очилиш маросимида Президентимиз Ислом Каримовнинг нутқи мазмун моҳиятини ўрганишга бағишланди. Тадбирни вилоят ҳокими ўринбосари Улуғбек Раззоқов қисқача кириш сўзи билан очди.
→
03 ноябрь 2014, кўрилган: 1621
ОИТС касаллигининг юқмаслигини таъминлайдиган дори ўйлаб топилди.Француз олимлари ОИТС касаллигини юқтириб олиш хавфини 90% гача камайтирувчи дори ишлаб чиқди.
Дори шундай хавф остида бўлган бир гуруҳ кишилар орасида синовдан ўтказилди. Олимлар аниқлашича, касаллик юқтириш хавфи сезиларли даражада пасайган. →
30 октябрь 2014, кўрилган: 2283
Пойтахтимизда Ўзбекистон Хотин-қизлар қўмитаси томонидан Соғлиқни сақлаш вазирлиги билан ҳамкорликда оилаларда соғлом турмуш тарзини тарғиб этиш, аҳолининг тиббий маданиятини ошириш, оналик ва болаликни ижтимоий муҳофаза қилиш масалаларига бағишланган видеомулоқот ўтказилди.
→
29 октябрь 2014, кўрилган: 1347
Гарвард университети олимлари томонидан ўтказилган тадқиқот қандли диабетнинг 1-тури билан оғриган беморларни ҳар куни инсулинни инъекция қилишдан озод этиши тахмин қилинмоқда. Қонда қандни зарур миқдорда ушлаб турадиган гормон – инсулин ишлаб чиқарувчи ҳужайраларни етиштириш имкони пайдо бўлди. →